Ish-kryeministri Berisha, u shpreh i sigurtë që PD është shumë përpara PS në sondazhe.
‘Rama si kryetar i PS do të mbetet derisa kjo parti të ndërrojë edhe 3 herë emrin. Prandaj të përgatiten se ai nuk e lëshon. Mund ti vendosë një emër tjetër Partisë Socialiste, por ai nuk ikën. Ai ka një koncept që nuk bën zgjedhje në atë parti. Kur humbi zgjedhjet bëri referendum që të mos votohet kryetari. Të vetmen gjë që ai do bëjë do ta marrë atë parti, do e mbajë dy vite, do i ndryshojë emrin, derisa ai të penalizohet.
Partia Demokratike është sot 5 pikë para Partisë Socialiste. Unë po marr vetëm kompaninë e sondazheve NOTO që e nxjerr 45 me 45. Kur njerëzit e opozitës me njerëzit e qeverisë nuk shprehen njëlloj. Kjo sepse opozita i ka më të ndrojtur të vetët. Dhe unë e lexoj për PD, 50 me me 45. Edi Rama ëshët njeriu i negativitetit. Por ndaj Sali Berishës nuk ka fituar kurrë me negativitet,”- tha Berisha.
Në vijim Berisha ka komentuar pse Vuçiç e ka problem Lulzim Bashën kryeministër. Ndërkohë që Berisha tha se ishte Vuçiç ai që hoqi Majko nga lista e deputetëve për shkak të mbështetjes që ky i fundit ka ndaj Kosovës.
“Vuçic e bëri atë më shumë për të dëmtuar opozitën. Se Vuçiç pa që ka vërshuar një përkrahje e jashtëzakonshme ndërkombëtare për Lulzim Bashën. Europa është shprehur si asnjëherë tjetër në zgjedhje të përgjithshme në favor të një kryeministri të ardhshëm që është Lulzim Basha.
Nga të gjitha këta që keni parë në ditët e fundit, njëri prej tyre është de facto njeriu më i rëndësishëm i Parlamentit Europian, ai doli haptas, nuk e bëntë kurrë ai pa një ujdi shumë të gjerë.
Ai doli haptas për ti thënë shqiptarëve që kryeministrin ynë për Europën është Lulzim Basha. Vuçiç i shikon këto dhe cfarë të bëjë, po i thotë Europës se mbrapa Lulzim Bashës është Shqipëria e madhe. Që në fillim ai ka thënë se Beogradi është i përkushtuar në fushatën elektorale të Ramës. Pse e hoqën Majkon nga lista? Sepse Majko ishte pro kosovar. Pra në të gjitha rastet ishte ndryshe,”- tha Berisha. m.k
