Kandidati i PS-së për qarkun e Tiranës Fatmir Xhafaj e quajti sfidë të re pozicionimin në vend të 23-të në listën e socialistëve në këtë qark. Në studion e Absolut 4 te gazetares Merita Haklaj në a2, ai tha se ishte i përgatitur për këtë renditje, pas miratimit të ligjit zgjedhor, që mundëson edhe një konkurrim brenda llojit.
Xhafaj dukej i sigurtë se do të shlonte në Parlament edbe pse është të paktën 7 vende larg nga i lista e sigurtë.
“E ardhmja ime është në Parlament, për 4 vitet e ardhshme, si përfaqësues i qytetarëve të Qarkut të Tiranës dhe i motivuar për të kryer me përgjegjësi detyrat që rrjedhin nga kjo. Si dhe për të përmbushur Reformën në Drejtësi, luftën kundër korrupsionit dhe një projekt për të rritur të shëndetshme rininë”.
Xhafaj tregoi edhe për bisedën me drejtuesin e Tiranës Erion Veliaj.
“Veliaj më kërkoi në takim dhe më tha që është ndjekur një filozofi në formulimin e skuadrave. Ku ata me eksperiencë do të ishin në vijën e zjarrit. Unë isha përtej vijës së zjarrit por nuk më bëri përshtypje. Për mua është një sfidë. Le ta konsideroj si një sfidë që do të duhet të përballem me të dhe ta përballoj me sukses dhe duke qenë se jetën nuk e kam pasur të lehtë, po kam kaluar nga sfida në sfidë në opozitë me qeverisjen e Berishës dhe në pozicionin e ministrit të Brendshëm në luftën me krimin dhe sfida të tjera. Kjo është një sfidë e re, e kam marrë me angazhim, përgjegjësi dhe optimizëm”, thotë Xhafaj.
Për të më mirë do të ishte që në fletën e votimit të kishte emra dhw jo numra, thotë Xhafaj. m.k
