Nga Aldo Bumçi
Edhe sa vaksina mund të bliheshin me 110 milionë eurot që tani duhet t’ia paguajmë Beketit për faj të Edi Ramës?
Deri më sot, Agjencia Europiane e Barnave (EMA) ka autorizuar përdorimin e katër vaksinave – Pfizer, Moderna, AstraZeneca dhe Johnson&Johnson. Sipas agjencisë, këtovaksina ofrojnë një shkallë të lartë besueshmërie, efikasiteti dhegarancie për shëndetin e popullatës.
Kur besimi për vaksinën AstraZeneca u lëkund për shkak të disa rasteve të komplikacioneve të raportuara nga institucione shendetesore monitorimi (është për t’u theksuar kjo), në disa ende europiane qeveritë vendosën pezullimin e përkohshëm te vaksines .
Pas hulumtimeve rreth këtyre ngjarjeve ato shtete europiane qe vendosen pezullimin rishikuan vendimet e tyre duke e përshtatur vaksinimin e popullatës sipas grupmoshave tek të cilatAstraZeneca nuk paraqiste komplikacione apo kërcënim për jeten.
Në Gjermani, Kancelarja Angela Merkel pohoi se nuk eshte vaksinuar ende, për shkak se grupmosha së cilës ajo i përket nuk kishte nisur ende procesin e vaksinimit. Për të ofruar garanci shtesë për programin e vaksinimit të popullit gjerman, ajo u shpreh se do të vaksinohej me AstraZeneca sapo t’i vinte rradha!
Sa më lart, është një përshkrim i shkurtër i asaj që po ndodh nëEuropë, dhe sjelljes së kujdesshme dhe të përgjegjshme qe ndjekin autoritetet më të larta të këtyre vendeve karshi popujvetë tyre.
Por çfarë ndodh në Shqipëri?
Fillimisht, Kryeministri Edi Rama u kujtua me vonesë për tësiguruar vaksinat për qytetarët shqiptarë.
Kur më në fund arriti të sillte kontrabandë disapak vaksinaPfizer, Kryeministri doli vetë i pari në rradhë për t’u vaksinuar, duke e futur veten në kategorinë e moshave mbi 90 vjeç.
E dyta që u vaksinua ishte Najada Çomo, e cila tashmë kishte rënë në ujdi me Ramën se do të braktiste qytetarët që luftoninme vdekjen dhe do t’i bashkohej shtabit për mbrojtjen e Edi Ramës. Ky akt flet shumë për botëkuptimin dhe për marredhenien që secili ka me detyrën e tij/saj.
Ia vlen të kujtosh këtu se Shqipëria renditet ndër vendet e fundit në Europë, me 21.58 mjekë për 10 mijë banorë, ndërkohë që Italia (vendi që ne ndihmuam me ekip mjekësor vitin e kaluar) ka 80 mjekë për 10 mijë banorë!
Më pas, Edi Rama e ndau popullsinë në personalitete dhe jo-personalitete, duke shkelur me të dyja këmbët çdo lloj kodisjelljeje apo edhe Kushtetutën e Republikës së Shqipërisë.
Meqënëse jemi në fushatë elektorale, kur Edi Rama s’ka më as ide, as program, bilanc pune jo e jo, ai ka vendosur që të përdorëvaksinimin si të vetmen varkë shpëtimi. Ai hiqet si shpëtimtari imadh i shqiptarëve, përfshirë atyre që jetojnë në Kosovë, që me fuqitë e tij të mbinatyrshme ka arritur të sigurojë vaksina përqytetarët masivisht.
Por të dhënat e “Reuters-Kazanit” tregojnë se përqindja e vaksinimit në Shqipëri është vetëm 3.2% e popullatës!
Ajo që Edi Rama gjithashtu u fsheh shqiptarëve është se keto vaksina janë blerë, dhe jo falur nga ndonjë mik për kokë i Edi Ramës. Vaksinat janë blerë me paratë e qytetarëve shqiptarë, prapaguhen nga buxheti i shtetit dhe jo nga “fitimet” e librit Kurbani.
Edi Rama nuk është ndonjë bamirës, por ai që ka për detyre kushtetuese të administrojë paratë e buxhetit të shtetit, të cilin e vjel përmes taksave që paguajmë secili prej nesh pa dallim.
Pra Edi Rama duhet t’u thotë shqiptarëve sa para nga buxheti ishtetit kanë kushtuar vaksinat që ka marë deri tani?
Duhet t’u thotë shqiptarëve përse e pakësoi buxhetin me 110 milionë euro, që në vend të shërbenin për blerjen e vaksinave do të duhet t’ia paguajmë Beketit për faj të Edi Ramës?
Pasi ai vetë, dhe “personalitetet” e përzgjedhura prej tij u vaksinuan me Pfizer, përse zgjodhi që qytetarët e thjeshtë tëvaksinohen me vaksina që nuk kanë asnjë çertifikatë sigurie nga Agjencia Europiane e Barnave?
Para disa ditësh ai vetë tregoi se kishte marë “porosi” nga vëllai i Princit të Emirateve të Bashkuara që “Edi të bëjë vaksinënkineze.” Dhe meqënëse ai vetë zgjodhi të bënte vaksinën Pfizer, doli në përfundimin se Edi është populli, ndaj populli-Edi duhej të vaksinohej me vaksinën kineze.
Meqë ra fjala, a dini ju se cila nga katër vaksinat kineze popërdoret në Shqipëri?
A njihni ju ndonjë “personalitet ndër rradhët e Edi Ramës” te ketë marë një vaksinë të paçertifikuar nga EMA?
A e dini ju cilën vaksinë morën qytetarët që patën komplikacione apo edhe humbën jetën në Shqipëri pas administrimit të saj?
Përse Edi Rama dhe i ashtuquajturi ekip ekspertësh nuk bëjnë transparence për publikun?
A ka të njëjtën vlerë jeta për çdo qytetar në Republikën e Shqipërisë?
