Mauro Zunino, presidenti i “Aero Club”, kompanisë që i përkiste avioni i rrëzuar dy ditë më parë në Ishëm të Durrësit është shprehur se, “nuk e dimë se çfarë ka ndodhur me aeroplanin tonë që krenaria e Klubit”. Ai kishte 800 orë fluturim dhe ishte krejtësisht në rregull.
Ne nuk kemi marrë ndonjë telefonatë nga organet e policisë apo diplomatike as nga piloti që ishte bashkuar me klubin nga të paktën dy ose tre vite, citohet ai nga mediat lokale.
Autoriteti i Aviacionit Shqiptar, ndër të tjera, ka argumentuar se avioni nuk kishte leje për të fluturuar në hapësirën ajrore të Shqipërisë. Aktualisht piloti italian Guido Guidi po hetohet në gjendje të lirë dhe ndaj tij nuk është ngritur asnjë akuzë pasi po bashkëpunon me autoritet. Ai ka pranuar se kishte ardhur në Shqipëri per trafik droge dhe ka treguar emrat e trafikantëve të përfshirë, shqiptarë e italianë.
