Kryeministri Edi Rama hezitoi të përgjigjej drejtëpërdrejtë gjatë një debati në Opinion pyetjes së ambasadores së Shteteve të Bashkuara të Amerikës, Yuri Kim, e cila në një status pyeste se nga çfarë ka frikë që nuk distancohet nga Tom Doshi.
I ftuar në “Opinion”, Rama tha se përgjigjen e ka dhënë drejtori i komunikimit për mediat, Endri Fuga.
Pjesë nga biseda:
Edi Rama: Përgjigjen e ka dhënë Endri Fuga në intervistë. Të njëjtin qëndrim kam edhe unë sepse Fuga del e flet për ne, nuk flet kot. Ne as nuk jemi e as nuk do të jemi aleatë me Doshin.
Blendi Fevziu: Po ju pyes ju drejtpërdrejt
Edi Rama: Unë ja kam dhënë përgjigjen edhe vetë Yuri Kim
Blendi Fevziu: Që nuk do ketë asnjë post në qeveri, këtë i keni thënë?
Edi Rama: Atë që i kam thënë. Unë e kuptoj shumë mirë qëndrimin e SHBA-ve ndaj Tom Doshit dhe e kuptoj që nuk mund të mbajë të njëjtin qëndrim për Ilirin e Saliun e këta…sepse njëri është President, tjetri gruaja e Presidentit. Pastaj që ta dini ju, Tom Doshi është ëngjëll para Saliut, ëngjëll para Ilir Metës, ëngjëll para Monika Kryemadhit. Kaq kisha.
Blendi Fevziu: Na duhet të na thoni çfarë mendoni ju me fjalën ëngjëll. m.k
