Gjatë vizitës së sotme në qytetin e Vlorës, kryetari i Partisë Demokratike, Lulzim Basha, është takuar me një grup peshkatarësh. Në bisedën që patën me Bashën, ata shprehen indinjatën e tyre ndaj shtetit që i ka lënë në harresë.
“Peshkatari: Peshkimi në Vlorë është në pikë të hallit. Ne me pahir ushqehemi! Nuk jetojmë dot! Unë vajta 20 e ca vite me peshkim, ja siç më shikon tani!
Lulzim Basha: Nuk siguroni dot as kushtet bazë për familjen?
Peshkatari: Asnjë gjë! Asnjë gjë! As për rrjetat, as për gjë! Unë kam tre ditë që po pastroj rrjetat që kanë marrë mbushje! Këtu nuk e di, nuk kemi asnjë lloj mbështetje nga qeveria, ose të paktën të na jepet ndonjë ndihmë për rrjetat që kemi ne! Këto duam ne, nuk duam gjë tjetër! Shkallë s’ka!
Lulzim Basha: Ku e bëni remontin?
Peshkatari: Ja, shiko këto varkat i nxjerrim me vinç këtu edhe i bëjmë këtu në vend i bëjmë, ku do i bëjmë?!”
*Për të kuptuar vështirësitë që po kalojnë, kreu i opozitës ka dal në det me një peshkarexh. Peshkatarët thonë se përveçse nuk është investuar në port dhe mungesës së kushteve minimale, ata vazhdojnë të paguajnë taksat rregullisht.*
“Peshkatari: Porti është në gjendjen më të tmerrshme që ka patur ndonjëherë! Po të kalosh nga krahu tjetër andej, do shikoni që të gjithë peshkatarët i kanë bërë të gjithë bankinat e tyre i kanë bërë me dërrasë. Nuk ka dritë!
Lulzim Basha: S’ka energji?
Peshkatari: Nuk ka një elektrik në të gjithë portin!”
“Peshkatari: Me halle të mëdhaja jemi! Na kanë çuar në zero çdo gjë! Jemi nga fshatreta, nga Zvërneci, nuk na kanë dhënë një licencë. 5 herë ma kanë marrë varkën. Kam 3 fëmijë në shkollë, dy pleq, vet pa punë! 8 veta në shtëpi! Nuk ka japin licencat sepse i kanë marrë për vete!
Lulzim Basha: Se ua kanë marrë Lagunën. Gjithçka duan t’i mbajnë për vete, edhe Lagunën, edhe detin, edhe peshkun. Gjithçka e duan për vete!
Peshkatari: Domethënë, jemi në gradat e fundit!”
“Peshkatari: Problemet e peshkimit janë nga më të mëdhatë dhe besoj se është e vetmja pikë që nuk është kapu nga asnjë qeveri. Këta 8 vite, po të kalojmë gjithë rrugës, do shikoni që më mjerim nuk ka! Kushte janë, s’ka asnjë dritë! Nuk ka ujë! Më elementarja, nuk ka ujë! Që të vish në punë duhet të marrësh ujë me vete! Po t’i hedhësh unë anijes, duhet të hedhësh me bot! Çdo fillim viti taksat duhen paguar një më një! Po nuk pagujt taksën, s’del në det se të vjen policia të thotë nuk mund të dalësh! Të gjitha këto i kanë bërë privatisht njerëzit!”
*Pasi u njoh nga afër me problemet e peshkatarëve, Basha u zotua se qeveria e dal nga vota e 25 prilli, do të ketë vëmendjen edhe për sektorin e peshkimit. Ai gjithashtu tha se në programin e Partisë Demokratike janë parashikuar subvencione për veglat e punës për peshkatarët.*
Lulzim Basha: Tani ju e dini se jeni të zanatit, po dhe unë e di pak. Ju e dini që vendet europiane bëjnë luftë për peshktarët e tyre. Kjo është një pasuri e jashtëzakonshme, e pashfrytëzuar, ose e dhënë në duart e një apo dy klientëve afër qeverisë. Ju e dini fare mirë, në këto tetë vite peshkimi është dorëzuar një apo dy klientave afёr qeverisё, pra ёshtё monopolizuar edhe detin. Peshku i egёr ёshtё njё pasuri e jashtёzakonshme pёr ta vёnё nё tregun tonё nё rrugёn e duhur. Ndёrkohё Greqia doli nga kriza financiare me dy industri me turizmin dhe peshkimin, ne e kemi lёnё peshkimin mё keq se nё Mesjetё. Unё kam takuar pёrpara me disa prej jush, kam takuar edhe kolegёt tuaj nё Shёngjin edhe nё Durrёs, edhe nё Sarandё edhe e di qё kёtu nuk ka njё shkallё nё tё gjithё Shqipёrinё, mё thonё duhet tё shkohet nё Itali e nё Greqi.
Prandaj po them nё programin tonё siç do tё subvencionojmё, imputet bujqёsore, fidanёt, farat, pesticidet. Po kёshtu do tё subvencionojmё edhe veglat e punës për peshkatarët dhe do të bëjmë të mundur që të paktën atë kosto shtesë që sjell blerja apo riparimi i këtyre t’jua mbulojë shteti përmes subvencioneve. E dyta që është po kaq e rëndësishme është t’ju lehtësojmë nga çdo burokraci dhe barrë që j’ua vënë dhe që ju zënë frymën e nuk ju lënë të punoni sepse ju në fakt duhet ti inkurajoni me grante dhe do të keni grante, grante nga qeveria për të përmirsuar flotën e peshkimit, jo thjesht t’jua sekuestrojnë varkat siç tha ai zotëria i lagunës që më tha më kanë sekuestruar varkën, i Zvërnecit. Po. Më tha më sekuestruan varkën por t’ju japim grante në mënyrë që ju të keni mundësinë të riparoni anijet tuaja dhe të bëni investimet e nevojshme për peshkimin. Nga kjo varet edhe industria e përpunimit të peshkut që punëson mijëra edhe mund të punësojë shumë më shumë se aq dhe prandaj nuk do t’ju lëmë mënjanë, nuk do t’ju harrojmë njësoj siç ju ka harruar ky peshktarët, fermerët, bujqit, blegtorët, bletarët dhe industrinë agroushqimore. Ju jeni pjesë e e rëndësishme e zinxhirit të ushqimit dhe jeni të lidhur po kështu me industrinë e turizmit, sepse një nga ushqimet kryesore që vlerësojnë turistët këtu është peshku, peshku i egër në veçanti. E di që janë bërë shumë investime në akuakulturë, në konservimin e peshkut, por asgjë nuk e zëvendëson cilësinë e peshkut të egër. Kështu që ne do të bëjmë gjithçka t’ju gjendemi pranë me fonde dhe me mekanizma nxitës dhe për këtë do të na shërbejë edhe afrimi me Europën. Se në procesin e afrimit me Bashkimin Europian ka xhepa të veçante në buxhetet që ata kanë për vendet kandidate të cilat i shërbejnë fermerëve dhe peshkatarëve. Ndaj është shumë e rëndësishme të lëvizim në atë drejtim se kemi mbetur si ato anijet që më tregove, kemi mbetur në vendnumëro 8 vite me procesin e integrimit Europian të vendit. Tani s’dua t’ju flas shumë gjatë por ju e dini që para 10 vitesh, para 11 vitesh kur kam ardhur në Vlorë e qytete të tjera ju kam thënë do ju heqim vizat shqiptarëve, shumëkush nuk na ka besuar. E ua hoqëm vizat shqiptarëve, lëvizin të lirë shqiptarët. Tani të njëjtën gjë do bëjmë, do ta çojmë Shqipërinë drejt Europës dhe një nga përfituesit kryesorë do të jetë sektori i bujqësisë dhe ushqimit, përfshirë peshkatarët dhe agrokulturën.
