Aktivistja e njohur e rrjeteve sociale, Anika Dokle i është përgjigjur akuzave të drejtëpërdrejta që iu bënë asaj nga gazetari Mentor Kika lidhur me marrjen e 200 mijë lekëve nga një pacient pas një operacioni në spitalin publik.
Dokle është mjeke dhe ndërkohë edhe vajza e deputetit socialist, Namik Dokle
Postimi i Anika Dokle:
“Lincimin virtual nga njerez pa identitet e shperfill.
“Baltes” me emer dhe mbiemer do t’i jap pergjigje atje ku duhet.
Nuk shantazhohem aspak!!
Gjobevenia nuk eshte zanati im!!”
Në postimin e tij Kika akuzonte se një i afërm i tij kishte dhënë para pas operacionit të nënës. Sipas tij personi që mori paratë kritikja e njohur e qeverisë, Anika.
Postimi i Mentor Kikisë
“Të paktën ju që fusni duart në xhepat e pacientëve, mos beni moral
Kam ndjekur këto dy ditë zemërimin e shumë njerëzve kundër mjekëve në maternitetin “Koço Glozheni” për shkak të vdekjes së një një gruaje shtatzënë. Mes atyre të zemëruarve ishte edhe një mjeke e këtij spitali, një grua rrebele dhe kritike agresive e qeverisë, Anika Dokle. E kam vlerësuar për kurajën për të thënë të vërtetën me zë të fortë, shpesh edhe pa edukatë, ashtus siç e meritojnë edhe njerëzit dhe koha në të cilën po jetojmë.
Por më lë një shije shumë të hidhur kur lexoj rebelimin e kësaj mjekeje. Pak ditë më parë një njeriu im i dha 200 mijë lekë (të vjetra) për një operacion të thjeshtë të nënës. Më pyeti mua për mend: Ti them për para apo jo? Jo- I thashë. Nuk mund të të marrë para ajo. Por meqe e ke merak, thuaja sa për procedurë. Dhe kjo mjekja e bëri procedurën, ia mori paratë edhe duke i numëruar.
Tani ne e dimë se të gjithë bëjnë kështu. Por të paktën ju që fusni duart në xhepat e atyre, që edhe vdesin aty, mos bëni moral”.
Anika Dokle është ndër kritiket më të ashpra të qeverisë në rrjetet sociale edhe pse i ati i përket partisë në qeveri. Me postimet e saj ajo ka tërhequr vëmendjen e mijëra përdoruesve të rrjeteve sociale, të cilët natyrisht që janë stepur nga akuza e gazetarit.
