Avokatit i Popullit ka hartuar një raport paraprak si rezultat i inspektimeve të kryera në drejtorinë Vendore të Policisë dhe në komisariatet e Tiranës pas protestës që u në ditën e djeshme
Në bazë të raportit rezulton se në total janë shoqëruar 51 persona, nga të cilët 9 janë të mitur dhe tre vajza. Disa nga të shoqëruarit pretendojnë të kenë marrë pjesë në protestë, por nuk kanë kryer veprime të dhunshme ndërsa disa të tjerë se kanë qenë kalimtarë të rastit dhe nuk kanë marrë pjesë në protestë.
Në informacionin e mbledhur, theksohet se në Spitalin e Traumës rezultojnë të jenë asistuar me shërbim mjekësor 2 efektivë të policisë që ishin paraqitur me dëmtime në krah dhe në këmbë, dhe një protestues.
Raport paraprak i inspektimeve të Avokatit të Popullit në drejtorinë vendore të policisë tiranë dhe komisariatet e policisë tiranë, pas protestës së datës 13.12.2020
Avokati i Popullit ka vijuar punën në terren duke monitoruar nga afër protestat si edhe situatën pas përfundimit të protestave, duke kryer inspektime dhe vizita në komisariatet e kryeqytetit.
Nga të dhënat paraprake të inspektimit, si dhe të intervistave dhe ankesave të mbledhura nga përfaqësuesit e institucionit të Avokatit të Popullit lidhur me protestën e datës 13.12.2020 rezulton situata në vijim:Më datë 13.12.2020 janë shoqëruar gjithsej 51 persona, nga të cilët 9 të mitur. Përgjithësisht të miturit janë lënë të lirë pas verifikimit të tyre, me përjashtim të një rasti kur ata janë gjetur me lëndë piroteknike. Ndër personat e shoqëruar është konstatuar se janë shoqëruar edhe tre femra.
– Në Drejtorinë Vendore të Policisë Tiranë, janë shoqëruar 2 persona, nga të cilët nga të cilët nuk ka pasur persona në moshë të mitur.
– Në Komisariatin e Policisë Nr.1, janë shoqëruar gjithsej 16 persona, nga të cilët 1 në moshë të mitur si dhe 2 vajza.
– Në Komisariatin e Policisë Nr.2, janë shoqëruar gjithsej 10 persona, nga të cilët 3 në moshë të mitur dhe 1 vajzë.
– Në Komisariatin e Policisë Nr.3, janë shoqëruar gjithsej 18 persona, nga të cilët 6 në moshë të mitur.
– Në Komisariatin e Policisë Nr.4, janë shoqëruar gjithsej 4 persona, nga të cilët nuk ka pasur persona në moshë të mitur.
– Në Komisariatet e Policisë Nr.5 dhe Nr.6 nuk ka pasur persona të shoqëruar.
Në intervistat e zhvilluara me përfaqësuesit e institucionit të Avokatit të Popullit, disa prej të shoqëruarve pretenduan se kanë marrë pjesë në protestë, por nuk kanë kryer veprime të dhunshme ndërsa disa të tjerë pretenduan se kanë qenë kalimtarë të rastit dhe nuk kanë marrë pjesë në protestë. Po kështu, nga personat e shoqëruar pati një numër të kufizuar pretendimesh për ushtrim të dhunës.
Gjithashtu, përfaqësues të Avokatit të Popullit kanë monitoruar dje dhe sot Qendrën Kombëtare të Shërbimit Mjekësor për të marrë informacion mbi numrin e personave që kanë marrë shërbim mjekësor në urgjencë. Nga informacioni i mbledhur ka rezultuar se në Spitalin e Traumës kanë marrë shërbim mjekësor 2 efektivë të policisë me dëmtime në krah dhe në këmbë, dhe një protestues, të cilët pasi janë mjekuar kanë lënë ambientet e spitalit.
Avokati i Popullit mbetet në ndjekje konstante të situatës dhe do të përditësojë qëndrimet e tij edhe në vijim, sikurse që nga dita e parë”, mbyllet raporti.
e.h/DRONI.al/
