Gazetari i Ora News, Xhoi Malësia ka qenë duke transmetuar pamje live nga zona e 21 dhjetorit, kur policia nisi arrestimet dhe thërriste “fikni telefonet”, raporton ora news dhunen qe u perdor ndaj gazetarit te saj.
Në një moment policia nisi ta tërhiqte zvarrë edhe pse Xhoi thërriste jam gazetarë duke e dërguar ate në komisariatin nr. 2 në kryeqytet.
“Ka qenë në afërsi të disa personave që po qëllonin në drejtim të komisariatit. Pritet lirimi i tij. Pranë komisariatit ka forca të shumta policie” raportoi gazetari Besar Bajraktaraj nga komisariati.
Sakaq gazetarja Nertila Dosti ka treguar se Malësia nuk është lejuar që të tregojë mjetin e identifikimit që është gazetar.
“Xhoi ndodhej pranë një grupi të rinjsh që po godisnin komisariatin me gurë. Na thanë që do lirohej shpejt, por ka kaluar 1 orë që ndodhemi këtu, që Xhoi është shoqëruar dhe ende nuk kemi një version të saktë të asaj që ka ndodhur. Xhoi ka qenë live në momentin që është shoqëruar dhe i është fikur telefoni
Ndoshta janë procedura që ndiqen nga policia para se të lërë ambientet. Nuk besoj se zgjasin një orë procedurat. Ka pasur mjet identifikimi që e njeh si gazetar, por që në momentin e shoqërimit nuk I është lënë hapësirë që ta tregojë. Presim nga moment në moment që të lirohet. Në komisariat janë edhe familjarët e tij të shqetësuar“, ka thënë Dosti.
Ora News ka kërkuar informacion për arsyen e shoqërimit të gazetarit dhe është në pritje të një përgjigjeje pasi deri më tani nuk ka një shpjegim zyrtar nga policia, raportohet nga televizioni ku Malesia punon. /DRONI.al/
