13-vjeçarja Maggie Flannery u infektua me Covid-19 në Mars e nuk është shëruar ende.
“Në fillim të karantinës, unë isha e sëmurë për pak kohë. Dhe pastaj u bëra më mirë për rreth pesë ditë dhe pastaj isha keq përsëri. Ishte shumë më keq, herën e dytë. Herën e dytë kisha shumë dhimbje gjoksi, më dukej sikur ishte e vështirë të merrja frymë. Kisha shumë dhimbje shpine dhe isha jashtëzakonisht e lodhur gjatë gjithë kohës. ”, tha ajo për CNN.
Flannery është e infektuar “me Covidin e gjatë”. Kështu konsiderohen pacientët e infektuar me koronavirus që i përjetojnë simptomat për javë ose muaj pavarësisht se janë rikuperuar virologjikisht.
Eksperti kryesor i sëmundjes infektive të SHBA-së, Dr. Anthony Fauci tha që ky grup njerëzish kanë lodhje, ethe dhe anomali të tilla si pamundësia për t’u përqendruar.
Sipas studimeve të fundit një pjesë e madhe e pacientëve me Covid-19 vazhdojnë të përjetojnë një ose më shumë simptoma edhe muaj pas shërimit.
/DRONI.al/
