Sheshi “Shqiponja” është bllokuar sot tërësisht për automjetet, gjë që ka shkaktuar trafik të rënduar që në orët e para të mëngjesit. Ndonëse ka rrugë dytësore për të hyrë apo dalë nga Tirana, lëvizja e shtuar e makinave ka shkaktuar një kaos të vërtetë.
Drejtuesit e Policisë Rrugore dhe ARRSH kanë sqaruar se zona e Doganës do të mbetet e bllokuar për katër muajt e ardhshëm kur punimet për kenë përfunduar krejtësisht. Qytetarët që vijnë nga jugu të përdorin Rrugën e Elbasanit për të hyrë në Tiranë, ndërsa ata që vijnë nga Kavaja dhe nga Durrësi të përdorin rrugën e vjetër të Ndroqit.
Ndërsa në rrugën e Doganës do të kenë akses vetëm ambulancat që vijnë për raste urgjence.
Prej kohësh ndërtimi i Unazës së Madhe ishte shndërruar në një stres për trafikun e kryeqytetit, i cili në mëngjes dhe në mbrëmje rezultonte më i rënduar se në orët e tjera të ditës.
Tenderi per ndertimin e unazes se re u anukua per shkak te nje afere te rende korruptive si dhe per standartin e dyfishte te kompensimit te banoreve qe u prisheshin bizneset dhe banesat. /DRONI.al/
