Një bashkim kompanish shqiptare dhe italiane fituan sot koncesionin e djegies së plehrave në Fier duke nisur kështu zbatimin e ligjit të plehrave ende pa hyrë në fuqi ligji.
Sipas të dhënave të Open Procurement Albania agjencia e prokurimeve sapo ka shtuar informacionin për bashkimin e operatorëve fitues të Koncesionit për Ndërtim dhe Administrim i Mbetjeve Urbane të Qarkut Fier për prodhim Energjie.
Një bashkim operatorësh ndërmjet SHPK-së shqiptare Integrated Technologt Services, me administrator dhe ortak të vetëm Klodian Zoto dhe shoqërisë italiane Energy 2SRL ka fituar garën për kontratën koncesionare.
Objekti i Kontratës, i publikuar në Regjistri Koncesionar nga Open Data Albania është si më poshtë:
Kontrata ka afat 6 vjeçar. Koncensioni është për Ndërtim dhe Administrim i Mbetjeve Urbane të Qarkut Fier për prodhim Energjie
Kompania shqipate vetëm në vitin 2015 kjo kompani ka arkëtuar nga Ministria e Mjedisit 114 089 097 Lekë në 5 transaksione.
APP nuk ka njoftuar ende mbi numrin e operatorëve konkurrues në garë dhe sistemin e vlerësimit, sipas open data. Po njësoj APP nuk ka njoftuar ende cili është raporti i posedimit të drejtave të kontratës ndërmjet dy kompanive pjesë e bashkimit të operatorëve fitues.
Ky koncesion është shpallur nga Ministria e Mjedisit në datën 18 korrik 2016. Ministria e Mjedisit ka startuar garën me prokurim për kontratë koncesionare, bazuar në Urdhër (ministri), nr 751, datë 25. 11. 2015 Urdhërit nr. 751, datë 25.11.2015 “Për ngritjen e komisionit për dhënien me koncesion/partneritet publik privat me objekt “Ndërtimin dhe administrimin e impiantit të trajtimit të mbetjeve urbane të Qarkut Fier dhe prodhimin e energjisë”.
