Anëtarët e Aleancës për Media Etike zgjodhen sot pergjate nje takimi anetaret e bordit te etikes qe do te gjykoje mbi ankesat dhe rastet e tjera te shkeljes se etikes nga mediat online. Ky eshte nje hap para qeverise qe ponpergadit nga ana e saj ndryshime ligjore permes te cilave do te krijohet nje bord etike nga Parlamenti me propozim te qeverise me synim kontrollin e medias online.
Ne përbërje të bordit u zgjodhen personalitete në fushën e gazetarisë, jurispudencës dheshoqërisë civile të njohur për integritet profesional me propozim tëanëtarëve të Aleancës, Këshillit Shqiptar të Medias si dheDepartamentit të Gazetarisë në Universitetin e Tiranës.
Pesë anëtarët e propozuar janë: Dorian Matlija, avokat. Mark Marku, pedagog nga Departamenti i Gazetarisë dhe ekspert i etikës, Klodiana Kapo nga Faktoje.al, Alice Taylor nga Exit.al si dhe Lorin Kadiu nga Citizens-Channel.
Bordi, i votuar pa kundërshtime nga anëtarët e Aleancës, do të shqyrtojë ankesat e qytetarëve për mediat e Alencës dhe rekomandimet e veta do ia përcjellë medias përkatëse.
Çdo qytetar do të mund të ankohet për etikën e shkrimeve në mediat e Aleancës. Në takim u prezantua edhe logo “e cilësisë”, që do të simbolizojë angazhimin e anëtarëve të Aleancës për raportim cilësor, bazuar në kodin e etikës së gazetarit. Logoja do të jetë e klikueshme dhe do të vendoset në faqet e mediave anëtarëve të Aleancës, ku publiku do të mund të regjistrojë ankesa që lidhen me shkeljet e etikës ose dëmtimit për shkak të raportimit abuziv.
“Ne duhet t’i tregojmë publikut që kur sheh logon e aleancës e kupton që kjo media ka përgjegjshmëri etike, nuk është media pirate dhe është e hapur të presë ankesat e tyre.” – u shpreh Koloreto Cukali, kryetari i Këshillit Shqiptar të Medias.
Ylli Rakipi përfaqësues i Tpz.al sugjeroi se kjo nismë është shumëe mirë, por nuk konsiderohet si nismë e çuar deri në fund nëse nuk kthehet në kuadër ligjor. Sipas Rakipit “parlamenti shqiptar ose bashkësia ndërkombëtare duhet të detyrojnë autoritetet shqiptare qëkjo të kthehet në ligj. Po nuk mori një fuqi ligjore kjo mbledhje nuk shon deri në fund si nismë.” Gjykata shqiptare nuk e merr parasysh kodin e etikës së gazetarit në proceset gjyqësore që hapen ndaj gazetar
Mark Marku përfaqësues i Departamentit të Gazetarisë u shpreh se ky takim duhet të të shfrytëzohet një mundësi si fazë e përafrimit të legjislacionit të medias, me legjislacionin europian.
“Kjo është një fazë parapregatitore që rrit fuqinë. Mendoj që në njëfazë më të largët mediat do të jenë të interesuara që të kenë një vulëetike, duan garanci. Pra, vula etike do të shërbejë si një markë për mediat, portalet për të dalluar nga prodhuesit që nuk japin garanci për cilësinë e informacionit. Mendoj se do të funksionojë si organizim.”, u shpreh Mark Marku.
Sami Neza, themelues i Dron.al, kërkoi që Aleanca të gjejë një zgjidhje për armatën e “trolls” dhe “boots” të cilët të paguar nga institucione të qeverise. E vecmas Bashkia e Tiranes arrijnë të eleminojnë shkrime investigative ose kritike me qeverine nga FB ose mediat e tjera sociale.
Valmora Gogo, përfaqësuese e Hashtag.al dhe Gogo.al kërkoi që Këshilli i Medias të monitorojë mediat e Aleancës e të bëjë publike kush janë shkelësit më të mëdhenj të etikës. Leonard Alfred Lela, drejtues i Politiko.al kërkoi që Aleanca të ketë mbështetje maksimale nga institucionet Europiane.
Këshilli Shqiptar i Medias, njëkohësisht mbështetësi logjistik i Aleancës, ka në strategjinë e vet të gjejë zgjidhje për të gjitha këto probleme, një ndër të cilat është dhe shkelja e kopirajtit, që dëmton shumë punën e gazetarëve që lodhen për të krijuar përmbajtje cilësore.
Aktiviteti u organizua me mbeshtetjen e projektit “Liria e Shprehjes dhe Liria e Medias në Evropën Jug-Lindore (JUFREX)” të zbatuar në kuadër të Programit të Përbashkët të Bashkimit Evropian dhe Këshillit të Evropes “Instrumenti Horizontal për Ballkanin Perëndimor dhe Turqinë II”.
Mediat anëtare të AME-s të bashkuara me iniciativën e KëshillitShqiptar të Medias janë:
