Ministri i Jashtëm i Turqisë, Mevlüt Çavuşoğlu, tha se Greqia tregoi qartë se është kundër dialogut për zgjidhjen e tensioneve në Mesdheun Lindor duke kundërshtuar iniciativat e ndërmarra në këtë drejtim, raporton Anadolu Agency (AA).
Kryediplomati turk duke folur në lidhje me stërvitjen e Turqisë në Mesdheun Lindor gjate nje konference shtypi tha se, “Stërvitja jonë kryhet në kuadër të rregullave të NATO-s”.
Turqia dhe Republika Turke e Qipros Veriore mes 6-10 shtator po zhvillojnë stërvitjen “Stuhia e Mesdheut”.
Çavuşoğlu gjithashtu tregoi se Greqia duke kundërshtuar iniciativat e fundit për dakordim tregoi qartë se nuk është pro dialogut. “Nëse Greqia i beson vetes, le të ulet në tryezë. Le të tregojë para të gjithëve se është në të drejtë. Edhe ne kemi gjëra për të thënë”, u shpreh ai.
Sekretari i Përgjithshëm i NATO-s, Jens Stoltenberg, kishte njoftuar se Turqia dhe Greqia kanë rënë dakord të zhvillojë bisedime teknike për krijimin e mekanizmave për parandalimin e konfliktit në Mesdheun Lindor.
