Kuvendi i Shqipërisë ka miratuar sot me 106 vota pro dhe 10 kunder, ndryshimet kushtetuese për të prekur rregullat e garës në zgjedhjet e ardhshme.
Ndërsa 6 deputetë nuk kanë votuar pasi nuk ishin në sallë.
Amendimi i nenit 64 dhe 68 të Kushtetutës krijon mundësinë e hapjes së listave, heq nga Kushtetuta koalicionet parazgjedhore si subjekt zgjedhor, si dhe vendos prag kombëtar.
Kundër votuan 10 deputetë: Adriatik Alimadhi, Fatjona Dhimitri, Gjetan Gjetani, Kujtim Gjuzi, Elda Hoti, Lefter Maliqi, Erion Piciri, Artur Roshi, Zef Shtjefni, Suzana Topi.
Në votim nuk morën pjesë 6 deputetë: Ralf Gjoni, Ambra Borova, Elio Hysko, Enada Kapllani, Ligoraq Karamelo, Enver Roshi.
/DRONI.al/
