Autori i masakrës së Dajçit “ju dorëzua” policisë për një arsye që nuk e kishte parashikuar

Miklovan Parubi, autor i vrasjes së dyfishtë në Shkodër, u kap nga policia duke ecur në rrugë. I paarmatosur, Parubi nuk tentoi të fshihej më, pas masakrës që kreu. Deri në momentin e arrestimit ai ishte fshehur në një kasolle të fshatit. Miklovan Parubi, kishte dalë nga kasollja ku ishte fshehur, sepse i kishin mbaruar cigaret.
Kur policët e pyetën se ku e kishte armën, ai iu tha se e kishte hedhur jashtë lokalit, aty ku la dy të vrarë dhe katër të plagosur.
Kur e pyetën përse doli në rrugë, Parubi iu përgjigj thjesht “Më mbaruan cigaret, prandaj dola”.
Sipas policisë, 33-vjeçari njihej si përdorues i lëndëve narkotike dhe njeri i çekuilibruar emocionalisht.
Miklovan Parubi tha gjatë marrjes në pyetje pas arrestimit se objektivi i sulmit në lokal ishte Ndok Marku, i cili mbeti i plagosur.