Pse qeveria po shkaterron plazhin e Velipojes

Kryetarja e Bashkisë Shkodër Voltana Admemi në një intervistë për emisionin E-zonë në Vizion Plus te hazetares Rajmonda Lajthia, ka hedhur akzua të forta në drejtim të qeverisë, pasi sipas saj, qeveria po shaktërron Shkodrën dhe bizneset familjare të sektorit të turizmit, me politika dashakeqëse.
Duke u ndalur tek aksioni i IKMT-së në Velipojë, Ademi tha se sikur të mos mjaftonin efektet e pandemisë, qeveria ka vendosur që në emër të ndërtimeve pa leje, të prishë çdo biznes familjar përgjatë bregdetit dhe po e bën këtë pikërisht tani në nisje të sezonit, duke dëmtuar imazhin jo vetëm të Shkodrës, por edhe të vendit.
“Ishte një domosdoshmëri e madhe që të kishim më shpejt një fillim të sezonit turistik. Kemi pasur ndërhyrje të tmerrshme nga politika keqdashëse për të penguar dhe moslejuar zhvillimin e një turzimi familjar. Po i referohem plazhit të Velipojës dhe jo vetëm, i cili është ndoshta më i godituri në Shqipëri. Nuk është koha për të shkulur palma, apo për të ndërhyrë në plazhin e bregut të detit. Qeveria ka bërë një veprim në dëm të ekonomisë. Po na dëmton imazhin e qytetit dhe punën e biznesve që janë gati për të filluar nga puna, por ende nuk munden sepse akoma nuk kemi kontratat e stacioneve të plazhit.”
Sipas saj, qeveria këtë vit ia ka hequr të drejtën bashkive për të lidhur kontrata me bizneset për stacionet e plazhit. Për Ademin, kjo procedurë ka rritur me tej burokracitë, me argumentin se deri më tani kemi vetëm biznese që kanë aplikuar, por s’kemi ende asnjë kontratë të lidhur me Ministrinë e Turizmit.
“Këtë vit iu është hequr bashkive e drejta për të lidhur kontratat e stacioneve të plazhit. Këtë të drejtë e ka marrë Ministria e Turizmit. Të gjithë në pretendonim për një procedurë më të shkurtër. Por është një procedurë burokratike, e gjatë, e lodhshme. Kur ishin në nivelin territorial e kishim të mundur që të komunikonim direkt dhe t’iu lidhej kontrata brenda tri ditëve. Një mungesë organizimi. Qeveria nuk po mendon fare; mendon se si të rrjepë edhe atë pak mundësi që shkodranët kanë për të bërë biznes. Velipoja është vendi i vetëm që trajtohet në mënyrë jo të drejtë në raport me vendet e tjera turistike. Ndërkohë që faturat e biznesve janë të larta për t’u paguar, qeveria nuk ka marrë asnjë masë mbështetëse për këtë sektor, duke u bërë kështu qeveria e vetme që nuk ndihmon bizneset e turzimit.”
Sipas Ademit, qeveria shqiptare është e vetmja që nuk po mbështet bizneset turistike, pasi nuk ka asnjë subvencionim për ta. E gjithë kjo situatë bëhet edhe më e vështirë, teksa në Shkodër turistët më të mëdhenj vijnë në rrugë tokësore, ndërkohë që Mali i Zi e ka mbyllur kufirin./DRONI.al