Ministri në detyrë i Punëve të Brendshme, Xhelal Sveçla, ka shpjeguar sot në lidhje me levizjet e Presidentit Thaci në kufijtë mes Shqipërisë dhe Kosovës ndërkohë që mediat po transmetojnë mundësinë që ai të ketë në ardhur në Shqipëri për të marrë ish ministrine tij të Jashtëm Behxeht Pacollin të cilit iu refuuza zbtitja në Prishtinë pa kushtin e karantinimit në konviktet e Prishtinës.
“Mbrëmë vonë jam informuar nga policia se Presidenti e ka kaluar kufirin pak para orës 18. I njëjti është kthyer pak para orës 19”, ka deklaruar Sveçla.
Kjo kohë e qëndrimit të Thacit në Shqipëri kombinon me rrugën e vajtjes në Kukës dhe kthimit nga Kukësi në Morinë, cfarë do të thotë se Pacolli është marrë në Kukës.
Dilemë mbetet nëse avioni I Pacollit zbriti në aeroportin e Kukësit I cili ka disa pajisje minimale që mundësojnë ndonjë fluturim, apo zbriti në Rinas dhe priti në Kukës për futjen si klandestin në Kosovë përmes kamuflimit nga ana e Presidentit Thaci.
Ministri i Brendshëm pohon se Thaçi ka qenë i ulur në ndejnjësen e parë dhe nuk është para nëse mbrapa në veturë ka qenë dikush tjetër. “Ai ishte i ulur përpara, përkundër rregullave. Policia, për shkak të xhamave të zi, nuk ka arritur ta dallojë nëse ka pasur persona tjerë të ulur mbrapa”, ka thënë Sveçla.
Ai tregon se Presidenti Thaçi nuk e ka lajmëruar Protokollin Shtetëror për shkuarjen e tij në Shqipëri, edhe pse duhet ta bëjë një gjë të tillë për çdo vizitë zyrtare a jozyrtare.
“Nuk kemi konfirmim se z.Thaçi ka qenë i shoqëruar nga z.Pacolli. Megjithatë një skenar i tillë do të minonte komplet Republikën e Kosovës”, ka deklaruar Sveçla. Ai e paralajmëron deputetin Pacolli, se nëse ka hyrë në mënyrë klandestine, për t’i ikur masave të karantinimit në Kosovë, atëherë ka bërë shkelje penale.
Për më shumë, Ministri i Brendshëm, ka paralajmëruar edhe Presidentin, se nëse ai ka marrë Pacollin në makinë, edhe ai do t’i nënshtrohet masave të izolimit, apo vetëizolimit. Mediat në Kosovë, raportojnë se zyra e shtypit e Presidentit, nuk ka dhënë sqarime lidhur me lëvizjen e tij dje në Shqipëri, dhe kthimin po ashtu.
Por Ministria e Shëndetësisë, e qeverisë Kurti dukej e vendosur për ta trajtuar Pacollin si gjithë të tjerët e për ta mbyllur për 14 ditë në konviktet e Prishtinës që janë kthyer në karantinë.
Dje pasdite qarkulloi lajmi se charteri i politikanit dhe biznesmenit kosovar do të zbriste në Rinas. Po dje pasdite, doli lajmi se kishte hyrë në Shqipëri, nga kufiri i Vërmicës, Presidenti Thaçi, i cili nuk është kontrolluar në doganë. E po ashtu, nuk është kontrolluar, edhe në kthim, kur ka hyrë sërish në Kosovë.
Sot të gjithë besojnë, se kreu i shtetit të Kosovës, ka ardhur në territorin tonë, dhe ka marrë me makinën e tij Pacollin, për ta kaluar në kufi pa kontroll, e për ta shoqëruar në Prishtinë. Cështja është vetëm ku u takuan në Kukës apo në ndonjë vend tjetër në afërsi të Kukësit për të mos rënë në sy.
Ndërkaq qeveria Kurti ende ka kohë të kontrollojë për Pacollin e ta dërgojë atë në konvikt.
