Policia e Vlorës ka zbardhur dhe ka dhënë detaje për plagosjen e djeshme në të dy këmbët të 37-vjeçarit Florenc Meçaj.
Sipas Policisë Vendore, i plagosuri ka qenë i dënuar më parë për Vrasje.
Të njëjta burime saktësojnë se në pranga kanë përfunduar, Olgert Shehu 38 vjeç dhe Hajri Xhaferi 53 vjeç, ndërsa është shpallur në kërkim edhe 29-vjeçari Klejvis Gjahtari.
Grabitja
Burime të Policisë Vendore ët Vlorës, bënë të ditur se Klejvis Gjahtari, në bashkëpunim me Olgert Shehun para plagosjes, në lagjen “Ujë i ftohtë” dyshohet se i kanë vjedhur me dhunë 37-vjeçarit automjetin e tipit BMW X6 me targa AA 333 MK, portofolin me një sasi parash prej 500 euro, disa bizhuteri personale që dispononte me vete si dhe aparatin celular.
Plagosja
Rreth një orë më vonë pas grabitjes, në një rrugicë të lagjes “Pavarësia”, dyshohet se 29-vjeçari Klejvis Gjahtari, e ka plagosur me pistoletë Florenc Meçajn.
Policia ka bllokuar dhe sekuestruar 2 automjete të gjetura rreth 500 m larg vendit të ngjarjes, “Benz”, me targa AA 985 NV, automjetin BMW X6 me targa AA 333 MK si dhe disa gëzhoja pistolete model 54.
