Presidenti i Kosovës, Hashim Thaçi i ka propozuar Kuvendit të Kosovës të shpall gjendjen e jashtëzakonshme nderkohe qe qeveria e Kurtit nuk eshte e ketij mendimi.
Thaçi ka mbajtur konferencë për media pas mbledhjes së Këshillit të Sigurisë, të cilën e thirri kryeministi Albin Kurti me kërkesën e presidentit, për të biseduar për gjendjen dhe masat që duhet të ndërmerren për të luftuar në mënyrë më efikase pandeminë e virusit Corona.
Ai gjatë kësaj konference ka thënë se do t’i propozojë Kuvendit të shpallet gjendje e jashtëzakonshme në vend.
“Pas konsultave që zhvillova me kryeministrin dhe Këshillin e Sigurisë Kombëtare, dëshiroj të potencoj që të mos eskaloj situate më tutje. Kërkohet nga ne të gjithë të jemi në krye të përgjegjësive Kushtetuese e ligjore, atë që dua të theksoj sonte, që jemi te detyruar të deklarojmë dhe propozojmë duke respektu Kushtetutën e vendit, do t’i propozoj Kuvendit të Republikës së Kosovës, Dekretin për gjendjen e jashtëzakonshme në Kosovë”, tha Thaçi.
Thaçi tha se gjatë ditës së nesërme do të bëhet e ditur nëse ky propozim do të miratohet nga Kuvendi i Kosovës.
Nderkaq zv/Kryeministri i Kosovës, Haki Abazi tha në nje konferencë për medie se kryeminiatri Albin Kurti nuk është pajtuar që të shpallet gjendje e jashtëzakonshme në Rpublikën e Kosovës.
Abazi, pas mblehjes së Këshilit të Sigurisë, tha se shpallja e gjendjes së jashtëzakonshme nuk shihet e nevojshme dhe duket si masë ekstreme.
“Ajo që është propozuar nga Presidneti si gjendje e jashtëzakonshme shihet si masë ekstreme dhe mund të interferojë në veprimet e Qeverisë së Kosovës. Kryeminsitri ka shprehur qëndrimin e tij që nuk është në pajtueshmëri me masën e gjandjes së jashtëzakonshme, të cilën e ka propozuar presidenti”, tha Abazi.
