Kryeministri ka publikuar një pjesë të aktit normative të qeverisë që lidhet me gjendjen e epidemisë së koronavirusit. Në këtë pjesë të publikuar thuhet ndër të tjera se spitalet private nëse u kërkohet duhet të vendosen në funksion të nevojave të epidemisë dhe nëse nuk binden ka gjoba të rënda.
Pas vendosjes së gjobës spitalet vihen me forcë nën menaxhimin e ministrisë deri në përfundim të nevojës.
Postimi i Ramës:
AKTI NORMATIV HYRI NË FUQI DHE NGA SOT KA FORCËN E LIGJIT DERI NË PËRFUNDIMIN E LUFTËS
Ndër të tjera:
🔴 NË VARËSI TË DINAMIKËS SË SPITALIZIMIT TË TË PREKURVE NGA COVID-19, ME URDHËR TË MINISTRIT PËRGJEGJËS PËR SHËNDETËSINË, VENDOSEN NË DISPOZICION EDHE STRUKTURAT PRIVATE SPITALORE, AMBULATORE, HOTELIERE, AUTOAMBULANCAT DHE PERSONELI PËRKATËS, SHËNDETËSOR E MBËSHTETËS.
🔴 MOSZBATIMI I KËTIJ URDHËRI DËNOHET ME GJOBË NË MASËN 5 000 000 (5 MILIONË) LEKË. NË RAST MOSBINDJEJE PAS VENDOSJES SË GJOBËS, STRUKTURA PËRKATËSE VENDOSET FORCËRISHT NË DISPOZICION TË SHËRBIMIT PUBLIK SHËNDETËSOR DHE PERSONELI PËRKATËS ËSHTË I DETYRUAR TË SHËRBEJË NËN DREJTIMIN SHTETËROR TË STRUKTURËS GJATË GJITHË KOHËZGJATJES SË INFEKSIONIT
