Omar Alquati është dëshmia më e vlefshme që duhet sot për të gjithë ata që janë panikuar, edhe më të drejtë. Mjeku anestezist 43 vjeçar ka marrë sot një telefonatë dhe ka rrëfyer eksperiencën e tij me virusin që ka trembur botën.
Lexoni intervistën e tij si më poshtë:
-Omar, si jeni?
Tani për tani mirë, përveç disa dhimbjeve në kocka, por asgjë të veçantë. Nuk kam më ethe, kështu që them se është ok.
-Mund të na tregoni se çfarë ju ndodhi këto ditë?
Jam shtruar në spital që nga e diela. Një ditë më parë isha në punë në Codogno. Pasi ndërrova turnin pata simptoma shumë të ngjashme me ato të gripit: dhimbje në nyje, ethe, dhimbje fyti, kollë. Më pas bëra testin ku mu mor një masë pështyme në faring dhe ndërkohë u futa në izolim bashkë me kolegët e tjerë. Testi doli pozitiv, kështu që pasditen e djeshme u transferova me ambulancë këtu në Pavia në njësinë e sëmundjeve infektive. Jam goxhamirë, ata thjesht po më monitorojnë. Duke mos pasur simptoma kryesore me probleme të frymëmarrjes nuk më bënë ndonjë terapi. Një koleg me thotë se shtrimi në spital për raste si imja është e tepërt, por aktualisht kjo është procedura që duhet të ndiqet. Reparti është plot me pacientë që janë si unë. Për fat të mirë, kjo sëmundje shkakton probleme të rënda të frymëmarrjes vetëm tek një numër i vogël të rasteve, për të cilët mund të jetë i nevojshëm pranimi i ICU. Deri më tani ka simptoma të ngjashme me ato të gripit klasik.
Dhjetë ditë më parë, nëse do të kishte ndodhur e njëjta gjë, unë do të isha në shtëpi, do shërohesha dhe do kthehesha në punë.
-Sa nga kolegët tuaj janë të sëmurë si ju?
Për momentin janë tre nga ne, por asnjëri nuk ka simptoma të rënda, di që edhe kolegë të tjerë që punojnë në klinikën mjekësore u sëmurën, por nuk di saktësisht se sa.
-Ke një ide se ku dhe si mund të jeni infektuar?
Besoj se nga një koleg, që dhe tani është sëmurë. Me të ndërrova turnin javën e kaluar, të dy ishim në punë në Codogno pikërisht në ditët kur rasti i parë që shkaktoi alarmin u dyshua dhe më pas u diagnostikua. Me pacientët kam përdorur gjithmonë mbrojtje. Kështu që nuk mendoj se kam qenë i infektuar nga pacient, ka shumë të ngjarë që infeksionin ta kem marrë nga kolegu, kur nuk isha i mbrojtur. Periudha e inkubacionit zgjat zakonisht rreth 5 ditë sipas OBSH.
-Si mendoni se po menaxhohet kjo emergjencë, nga pikëpamja shëndetësore?
Sipas mendimit tim, shumë aspekte mund të ishin trajtuar më mirë, por nuk është tani koha për të folur. Sigurisht që masat paraprake që janë marrë në këto orë janë ato që duhej të ishin marrë, siç janë marrë në Kinë. Infeksioni duhet të përmbahet, kështu që është e drejtë të kufizoni aktivitetet ku ka shumë turma me njerëz. Rasti i parë që gjetëm në Codogno ishte ndoshta i infektuar disa ditë më parë.
Sipas specialistëve të sëmundjes infektive me të cilët kam folur, virusi me siguri është përhapur edhe në zona të tjera të Italisë. Numrat po rriten me shpejtësi në Lombardi dhe Veneto sepse virusi po kërkohet pikërisht atje, nuk e di nëse po e kërkojnë atë në rajone të tjera. Ndoshta shumë shenja të koronavirusit janë ngatërruar me ato të gripit të thjeshtë.
Një pjesë e vogël e të infektuarve mund të kenë ndërlikime, por vetëm një pjesë e vogël. Vdekshmëria është e lartë në mesin e pacientëve të moshuar, por kjo nuk është për t’u habitur.
Pra je i qetë je mirë dhe kjo na bën të lumtur. Na kanë thënë dhe ne të tjerëve që të jemi të qetë.
Edhe në raste të sindromës së rëndë, mjekët do dinë se çfarë të bëjnë. Ky koronavirus i ri nuk shkakton asgjë që një mjek në reanimacion me një minimum përvoje nuk e ka hasur në karrierën e tij. Këto janë kushte klinike që shpesh ne që punojmë në kujdesin intensiv i shohim. Nga ky këndvështrim, koronavirusi nuk ndryshon asgjë në praktikën tonë klinike. Një pacient i sëmurë kritik, mund të ketë ndërlikime dhe kjo është e pakthyeshme, por të tilla raste nuk përbëjnë shumicën e rasteve të të prekurve. Nëse arrijmë të menaxhojmë dhe të kufizojmë përhapjen e virusit, jemi më të sigurt.
Artikulli është publikuar në gazetën Esanum, një gazetë mjekësore ku mjekët publikojnë materiale me argumente shkencore që mbledhin gjatë eksperiencave në Kongrese të ndryshme që zhvillohen për mjekësinë
