Ndërprerja e ndihmës ekonomike shkaktoi një të vrarë e një të plagosur sonte në një fshat të njësisë administrative të Ndroqit. Sipas reporteres së neës 24, Dorjana Bezat që ndodhet në vendngjarje mësohet se autori i vrasjes ka qenë në situatë të rëndë psikologjike dhe krimi ndodhi pas një grindjeje me të shoqen për arsye shpenzimesh.
Kasem Lila, vrasësi kishte kaluar një sëmundje të rëndë në kokë për shkak të të cilës ai është operuar për tumor gati një vit më parë. Pas operacionit ai kishte përfituar një ndihme ekonomike që e ndihmonte atë të kurohej.
Por kjo ndihmë, ose kempi është ndërprerë duke sjellë dëshpërim në fëmiljen e varfër.
Kasemi në zënie e sipër ka marrë ciften dhe ka sulmuar të shoqen Afize Lila, 47 vjece, e cila eshte ajo qe u vra nderkohe qe kunata Zyra Lila, 40 vjece, eshte e plagosur.
Njoftimi i policisë:
Më datë 22.10.2016, rreth orës 19:30, pas një telefonate tek numri i emergjencave 112, njoftohemi se në fshatin Çoçaj, në Ndroq, ka të patur një konflikt në familje, ku për pasojë kanë mbetur të plagosura me armë zjarri, dy shtetase.
Menjëherë janë dërguar Shërbimet e Komisariatit të Policisë Nr 6 ku bënë të mundur kapjen në flagrancë të shtetasit:
– Kasëm Lila,
Nga hetimet paraprake, dyshohet se ky shtetas pas një konflikti me të vëllain e vet, ka qëlluar me çifte bashkëshorten shtetasen Z. Lila, 50 vjeçe dhe kunaten e vet F. Lila, 40 vjeçe e cila ka ndërruar jetë në S.Q.U ndërsa Z. Lila ndodhet në gjëndje të rëndë për jetën.
