Tre shqiptarë perfunduan në prangat e policisë për shkak se ishin kthyer në “makth” duke vjedhur në provincat e Pizës dhe Luçës.
Mediat italiane raportojnë se një prej të arrestuarve është vajzë, e cila ishte e përfshirë edhe në ngjarje të tjera kriminale. Ata akuzohen për grabitje të shumta të kryera në Itali, ku “kulmi” ka qenë gjatë festave të fundvitit. Forcat e policisë ushtruan kontrolle në banesën e tyre dhe arritën të gjejnë sendet me vlerë që kishin grabitur.
Midis sendeve kishte edhe orë të shtrenjta Rolex, Sector, Cartier, bizhuteri, gurë të çmuar diamanti, smeraldi e rubini si edhe çanta të shtrenjta të firmave luksoze Guçi, Prada, Fendi. Në shtëpinë e tyre u gjet edhe 1 kg kokainë.
