Një video e re duket se tregon momentin kur një raketë iraniane goditi një avion pasagjerësh ukrainas, duke vrarë 176 personat në bord.
Pamjet u shfaqën pasditen e së enjtes, disa orë pasi Presidenti Donald Trump zbuloi se ai ka dyshime serioze se përplasja u shkaktua nga dështimi mekanik, siç kanë pretenduar zyrtarët iranianë, raporton Dailymail.
“Ishte duke fluturuar në një lagje mjaft të ashpër. Dikush mund të ketë bërë një gabim, ‘u tha Trump gazetarëve në Shtëpinë e Bardhë të enjten. “Kam një ndjenjë që diçka shumë e tmerrshme ka ndodhur, shumë shkatërruese”.
Kryeministri Kanadez Justin Trudeau më vonë i bëri jehonë shqetësimeve të Trump, duke thënë se provat tregojnë se një raketë iraniane rrëzoi avionin ku ishin edhe 63 kanadezë, dhe se sulmi “mund të ketë qenë pa qëllim”.
Trudeau tha se inteligjenca kanadeze dhe aleatët, mbështetin atë përfundim. Ai nuk pranoi të futej në të dhëna specifike, por tha se dukej se ishte një raketë tokë-ajër që goditi avionin.
‘Provat e inteligjencës sugjerojnë shumë qartë se mund të jetë një shkak i mundshëm për përplasjen,’ tha Trudeau në një konferencë për shtyp.
