Eklipset të shtyjnë drejt territoreve të paeksploruara, ata i bëjnë shenjat më perceptuese dhe të gatshme për të thyer skemat. Eklipsi i fundit diellor ndodhi sot në Ditën e Shën Stefanit, më 26 Dhjetor 2019, kur Dielli dhe Hëna u rreshtuan me Jupiterin, i cili është planeti i rritjes, përvojës dhe vetëdijes. Sipas astrologjisë, ky eklips është i rëndësishëm dhe shkakton ndryshime për të gjitha shenjat e zodiakut.
Disa shkolla të mendimit gjithashtu besojnë se eklipset diellore kanë fuqinë për të ngarkuar dhe stimuluar potencialin e brendshëm të njerëzve. Prandaj, shfrytëzimi i të gjitha energjive është thelbësor. Mbi të gjitha, katër shenja të zodiakut do të jenë në gjendje të përfitojnë më shumë nga eklipsi i 26 dhjetorit.
Demi
Dielli është planeti kryesor udhëheqës për Demin dhe eklipsi tjetër do të zbulojë shumë gjëra në lidhje me mirëqenien psikofizike të Demit. Mund të ketë pengesa për t’u përballur por ajo që ka rëndësi është që ju do të keni energji të madhe për të kapërcyer gjithçka dhe do të keni gjithë forcën për t’u përballur me ato ditë që nuk do të jenë dhe aq të mira. Telashet e së kaluarës do të zbehen, pasi shëndeti ka tendencë të jetë i favorshëm dhe ju jep rezultatet e dëshiruara. Çdo gjë që ju ndodh, duhet të kuptohet si një mundësi e vërtetë. Këshillohet që të gjeni rehati në terapitë kuruese, siç janë meditimi dhe joga për të luftuar stresin.
Gaforrja
Kjo është koha kur do të duhet të bëni një provë të ndërgjegjes dhe të rishikoni shumë gjëra në jetën tuaj. Ekzaminimi dhe rishikimi i gjërave do t’ju bëjë që të mbërrini në zgjidhjet e duhura duke eliminuar burimet e stresit dhe do t’ju japë një pamje më të qartë të asaj që meritoni dhe çfarë meriton vëmendjen tuaj. Tranziti i Jupiterit gjithashtu do t’ju ndihmojë të shihni gjërat nga një këndvështrim më i mirë dhe më konkret. Zakonet e shëndetshme të të ngrënit, mbajtja e një stili të mirë jetese dhe mendja do t’ju ndihmojnë të qëndroni në formë dhe të gjeni një ekuilibër të shëndetshëm në jetën tuaj.
Shigjetari
2019 do të përfundojë në mënyrën më të mirë për njerëzit e lindur nën këtë shenjë. Ndërsa dielli udhëton nëpër shtëpinë tuaj, do të shkaktojë shumë ndryshime dhe variacione në personalitetin tuaj dhe do t’ju bëjë të shikoni jetën nga një këndvështrim plotësisht i ri. Kjo do të jetë gjithashtu koha kur shëndeti juaj do të kërkojë pak më shumë vëmendje dhe kujdes, por me disa ndryshime, do të keni mundësi të shmangni komplikimet në të ardhmen. Shëndeti juaj mendor, i cili këtë vit nuk ishte më i miri, tani është i gatshëm të marrë lajme të reja dhe të shikojë gjërat ndryshe.
Ujori
Eklipsi diellor do të jetë një kohë e gëzimit dhe pozitivitetit të pamasë për njerëzit e lindur nën shenjën e Ujorit. Puna dhe vendosmëria do të fillojnë të shpërblejnë tani dhe do t’ju ndihmojnë të filloni vitin e ardhshëm në një mënyrë pozitive dhe pasuruese. Ndërsa shëndeti juaj do të mbetet i kënaqshëm, periudha tjetër do t’ju bëjë që të bëni disa ndryshime në stilin e jetës tuaj. Në sezonin e ndryshimeve dhe rishikimeve, do të jetë koha për të bërë zgjedhje të rëndësishme, që në shumë raste do të jenë të suksesshme. / meb.al
