Tre persona mbeten të plagosur si pasojë e një aksidenti që ndodhi në aksin rrugor Elbasan- Peqin.
Policia thotë se të plagosur kanë mbetur drejtuesi i një furgoni dhe dy pasagjërë, njëri prej të cilëve i mitur.
“Në fshatin Përparim , mjeti tip “Skoda”, me drejtues shtetasin R.M., 29 vjeç, banues në Fier, është përplasur me mjetin fugon tip “Benz”, me drejtues shtetasin A.K.. Si pasojë e aksidentit janë lënduar drejtuesi i mjetit fugon dhe dy pasagjerët shtetasit L.S., 28 vjeç, dhe F.H., rreth 6 vjeç, të cilët janë transportuar në Spitalin e Elbasanit dhe ndodhen nën kujdesin e mjekëve”, thuhet në njoftimin e policisë.
Grupi hetimor ndodhet në vendngjarje dhe po punon për zbardhjen e shkakut të aksidentit.
