FOTO LAJM/ Imazhi i Ardit Gjoklajt mbush rrugët e Tiranës

Duket sikur harrohet, por rikthehet sërish në vëmendje 17-vjeçari Ardit Gjoklaj që humbi jetën tragjikisht në landfillin e Sharrës. Imazhi i tij është rikthyer në disa rrugë kryesore të qytetit në kutitë e linjave të telefonit.
Nuk dihet kush është ideatori i këtij vizatimi, por në krah të fotos së tij shkruheshin fjalët “Censuruar” dhe “Çeta”. Imazhi i Arditit është vizatuar pikërisht në kabinat e telefonit ku prej disa kohësh me iniciativë të Bashkisë së Tiranës dhe Erion Veliajt po pikturohen imazhe të ndryshme nga filmat vizatimorë dhe jo vetëm.
Duket se edhe kjo është një protestë e heshtur për zbardhjen e vrasjes së Gjoklajt dhe vënien para drejtësisë së të gjithë përgjegjësve. Edhe fjala “Censuruar” rikthen në vëmendje emisionet e censuruara prej kryebashkiakut Veliaj në A1News dhe në Vizion+ për këtë çështje./lapsi.al/