Gjatë fjalës në seancën e ditës së sotme, deputeti demokrat Oerd Bylykbashi ka shprehur shqetësim e PD- së në lidhje me situatën që është krijuar për ligjet që plotësojnë Reformën në Drejtësi.
Ai e ka quajtur si skandaloze që një deputetet i vetëm ka depozituar në Kuvend rreth 104 amendamente, që sipas tij janë sjellë në kuvend përtej çdo rregullorje dhe tentojnë që të kapin Drejtësinë në Shqipëri.
Bylykbashi thotëse debati për ligjet e tjera të paketës së Reformës në Drejtësi është bërë me 5 tetor, dhe rregullorja e saktëson qarte se nëse ka ndryshme, ato mund të bëhen me amendamente jo më vonë se 24 orë pas debatit.
Por, Bylykbashi shprehet se këto ndryshime janë sjellë ditën e sotme në Kuvend, dhe ajo çfarë e bën me skandaloze gjënë, sipas deputetit demokrat, është se 104 amendamente i ka bërë një deputet i vetëm.
“Një ligj i pamiratuar që ka më pak se 300 nene, amendohet nga një deputet i vetëm me 104 amendamente të tjera. Kjo është jo vetëm skandaloze sepse tregon shumë qartë se çfarë konsiderate keni ju për Komisionin Parlamentar për Reformën në Drejtësi.
Për ju nuk ka rëndësi sepse doni ta ndryshoni më pas ëdo gjë që bëhet me konsensus apo jo për mbi të gjitha ka një shkelje shumë të rëndë të procedurës. Rregullorja e Kuvendit parashikon që amendamentet paraqiten jo më vonë 24 orë nga seanca e debatit dhe miratimit.
24 orë kanë qënë në datën 5 tetor, seanca ka qënë në datën 6 tetor dhe paraqitja e 104 amendamenteve sot, me firmën e një deputeteje është në kundërshtim me rregulloren. Për rrjedhojë, këto amendamente duhet të tërhiqen menjëherë ose projekligji duhet të shkojë për rishqyrtim në Komisionin e Reformës në Drejtësi.”, tha Bylykbashi.
“Tani po them dy fjalë në lidhje me atë që propozohet këtu. Të jetë keq është një gjë, por që ta bësh edhe me keq dhe ëm antikushtetuese një ligj do të thotë që ke një synim të vetëm. Kërkon kapjen kapjen politike të sistemit të drejtësië. Shumë e thjeshtë. Me propozimin që vjen nga kjo deputete e Parlamentit, kërkon rikthimin e Këshillit të Emërimeve në Drejtësi në versionin famëkeq të shtatorit 2015. Po ju lexoj se si përbëhet komisioni që do filtrojë kandidaturat në kundërshtim me Kushtetutën. Po kërkohet që të futet një komision ad hoc i cili do të filtrojë të gjithë kandidaturat që kanë të drejtë të konkurojnë për anëtarë në Këshillin e Lartë Gjyqsor dhe Këshillin e Lartë të Prokurorisë. Është antikushtetuese sepse Kushtetuta nuk e parashikon. Jeni duket e kthyer në versionin famëkeq të vitit 2015`ku mund ti përcaktohet emri i secilit anëtar dhe po ua them, këta janë ata që propozon deputetja; Avokati i Popullit, kryetari i Këshillit të Emërimeve në Drejtësi, dy avokatë, më i riu dhe më i vjetri në moshë që kanë dhënë në 5 vitet e fundit mësim në shkollën e Magjistraturës. Merat mund tua vendosim tani të dy këtyre. Një anëtar i rregullt nga Akademia e Shkencave, nga shkencat shoqërore dhe ky ka vetëm një emër.
Po ktheheni aty ku Komisioni i Venecias ua rrëzoi. Është shkelje e kushtetutës procedura që kërkoni të miratoni këto amendamente. Tërhiqeni përndryshe ky parlament po vendos një precedent të rrezikshëm. “, tha Bylykbashi.
