Problemet me Hipotekën e qytetit të Vlorës nuk mbarojnë. Drejtuesit e rinj janë larguar nga posti, duke krijuar sërish një situatë të rëndë në këtë institucion.
Elona Hodaj mësohet se ka dhënë dorëheqjen nga posti i drejtores pas emërimit në datën 19 shtator. Largimin e saj e ka pasuar edhe zv/drejtori Krenar Xhemali. Këto janë dorëheqjet e treta në këtë drejtori dhe duket se askush nuk do të punojë më me qeverisjen e Edi Ramës.
Drejtoresha e Hipotekës së Vlorës, e cila sot dha sërish dorëheqjen, mori detyrën zyrtarisht me 24 shtator ndërsa urdhrat e parë të saj ishin hapja e dosjeve të vjetra dhe shqyrtimi i tyre si dhe kufizimi i hyrjeve të individëve të ndryshëm në ambientet e institucionit.
