Studendët janë të pakënaqur me sistemin e mësimdhënies dhe me mënyrën sesi është organizuar universiteti.
Shifrat e fundit lidhur me këtë fakt i ka publikuar vetë Ministrja e Arsimit Besa Shahni. Shahini ka publikuar një pyetësor të zhvilluar tek studentët mbi institucionet arsimore.
Në sondazhin e zhvilluar në prill-maj 2019, 89 mijë pyetësorë iu dërguan studentëve dhe 31.2% e tyre në nivel kombëtar e plotësuan.
Sipas sondazhit të publikuar nga ministrja Shahini, 52% e studentëve shprehen se institucionet ku studiojnë nuk i plotësojnë pritshmëritë e tyre.
66% e studentëve thonë se personeli akademik është kompetent në shpjegimin e njohurive ndërsa 55% tyre shprehen se infrastruktura mbështetëse është e pamjaftueshme.
Ministrja Shahini shkroi në Facebook se në sondazh u mblodhën opinionet e studentëve mbi 6 çështje kryesore: organizimi i institucionit, burimet e institucionit, kurrikulat dhe përmbajtja, mësimdhënia dhe mësimnxënia, aktiviteti kërkimor dhe mbështetja ndaj studentëve.
