Lulzim Basha bën një paralajmërim të madh për të ardhmen e PD-së

Kreu i PD-së Lulzim Basha, paralajmëroi sot një zhvillim të ri të pritshëm në radhët e partisë që ai drejton. Sipas Bashës, kemi diskutuar për një bashkëpunim dhe hapje të PD-së.
Këtë proces të ri të pritshëm Basha e paralajmëroi në përfundimin e mbledhjes së sotme të grupit parlamentar të kësaj partie.
“Kemi diskutuar për një bashkëpunimi dhe për hapjen e PD-së.
Këto ditë kam marrë me qindra mesazhe, inkurajuese e shprese, por edhe dyshimi e pasigurie, nga qytetarët shqiptarë.
E kuptojë zhgënjimin e një shoqërie.
Dua ti sigurojë qytetarët shqiptarë se hapja e PD do të jetë e vërtetë, reale dhe të qëndrueshme.
I siguroj se do të ndërtojë me ta, një proces që do të japë garanci të plotë se ndryshimi do të jetë i vërtetë dhe i besueshëm për përmirësimin e jetës së gjithsecilit.
Procesi është i vështirë, dhe do të sulmohet nga elitat që kontrollojnë ekonominë dhe mediat. Por jam i bindur se PD do t’ia dalë.
Në thelb aj që do të ndërtojmë së bashku, nuk është Shqipëria e një grushti njerëzish, por një Shqipëri që ofron shanse për të gjithë.
Procesi do të përfshijë gjithë strukturat e PD-së dhe ka për qëllim hapjen e PD për këdo që ka dëshirë të ofrojë kontributin e tij, jo thjesht për një poetikë në shërbim të një rotacioni politik, por në shërbim të njerëzve.
Do ta bëjmë PD një parti për shqiptarësh dhe jo drejtuesish. Në thelb të kësaj hapej do të jetë kufizimi i pushtetit, dhënia prioritet vendimmarrjes së anëtarësisë dhe strukturave ët PD-së. I kam kërkuar deputetëve të PD-së, bashkëpunim dhe përfshirje në këtë aksion të ri politik”, u shpreh midis të tjerave Basha.
Kreu i PD-së u ndal edhe në zgjedhjet e Kolonjës, ku sërish akuzoi dhe denoncoi fenomenin e shitblerjes së votës. DRONI.al