Dy persona qëlluan me thika një tjetër duke e lënë atë të plagosur rëndë, sonte në Vlorë. Ngjarja ka ndodhur në afërsi të Skelës ndërkohë që policia ka nisur kërkimin e personave që dyshohet se kryen krimin.
Rreth orës 20:55, në spitalin e Vlorës ka shkuar një person i plagosur me mjet prerës.
Nga hetimet paraprake Policia ka konstatuar se ngjarja ka ndodhur në zonën e skelës (rrugë), ku dyshohet se pas një konflikti për motive të dobëta, dy shtetas kanë qëlluar me mjet prerës “thikë” shtetasin K.A., 19 vjeç, banues në Vlorë, i cili ka marrë plagë në kraharor dhe ndodhet nën kujdesin e mjekëve, thuhet në njoftimin e policisë.
