Deputetja Rudina Hajdari ka gjetur kohë ditën e sotme për t’iu përgjigjur kritikëve pas veprimit të saj ditën e djeshme ku kërkoi në nisje të fjalës së saj në Kuvend një minutë heshtje për 4 dëshmorët e 2 prillit.
Deputetja Hajdari në reagimin e saj thotë se Ruçi ka 28 vjet që është pjesë e politikës, ndërsa kujton edhe rastet e Islamit dhe Lefter Xhuvelit.
“Të kërkosh nderim zyrtar me heshtje në Kuvend për Martirët e Demokracisë nuk është fyerje por akt dinjitoz për ata që besojnë në vlerat demokratike.
Ata që bëjnë sikur e duan shumë të djathtën duhet të kenë parasysh se me Gramoz Ruçin dhe partinë e tij kanë 28 vjet që bëjnë politikë.
Mos të harrojnë historinë se Z. Islami që ishte Kryetar i Kuvendit Komunist e kanë bërë pjesë të grupit parlamentar ndërsa me Lufter Xhuvelin kanë mbajtur koalicion.
Drejtësi duhet të bëhet për Martirët e Demokracisë ashtu siç edhe për dhjetëra raste të rënda në Shqipëri të cilat kanë mbetur si gjurma në akull si shkak i politikës 28 vjeçare..!”, shkruan Hajdari.
