Sekretari për Zgjedhet në Partinë Demokratike, Ivi Kaso, ka paralajmëruar publimin e të tjera përgjimeve të kryera nga prokuroria lidhur me shitblerjen e votës në zgjedhjet e 2017 të organizuar nga eksponentë të mazhorancës në bashkëpunim me grupet kriminale.
I ftuar në emisionin “Tempora” në TV Ora, Kaso tha se ata që e quajnë sot veten deputetë të Kuvendit të Shqipërisë nuk përfaqësojnë popullin.
Ivi Kaso: Neni 1 i Kushtetutës parashikon që Qeverisja bazohet mbi një sistem zgjedhjesh të lira, të barabarta dhe të fshehura. Liria e zgjedhjes është cënuar në disa procese zgjedhore, veçanërisht në atë të 2017. Neni 2 i Kushtetutës se sovranitetin populli e ushtron drejtëpërdrejtë ose përmes përfaqësuesve të vet. Përsëri ky parashikim është cënuar.
Është faktuar që ata që e cilësojnë veten deputetë të parlamentit të Shqipërisë nuk përfaqësojnë popullin.Nuk janë ata që ushtrojnë sovranitetin në emër dhe për llogari të popullit por në emër dhe për llogari të bandave kriminale që e kanë ndihmuar për të korrur fitore. Ky është fakt, ka dosje penale që janë bërë publike.
Ka përgjime të kryera nga institucionet ligjzbatuese, një pjesë e të cilave janë bërë publike, një pjesë e të cilave do të bvëhen shumë shpejt publike që faktojnë lidhjet e drejtëpërdrejta të eksponentëve të mazhorancës me grupe të krimit të organizuar ku flitet hapur për shitblerje votash, për ushtrim jo vetëm të favoreve që pushteti sjell me vete por edhe lekëve që përdoren në fushatë dhe ku kërkohet të kthehen lekët për persona që nuk kanë dalë të votojnë apo persona që nuk kanë votuar në mënyrë të supozuar sipas angazhimit monetar që kanë marrë. Janë publike dhe fakte që nuk janë prodhuar nga opozita.
