Ish-deputeti i PD, Luciano Boci, ka publikuar ne profilin e tij ne Facebook denoncimet e disa mesuesve te cilet urdhërohen të dalin të organizuar me kuadrate për ditën e verës të shtyre nga kryebashkiaku Veliaj.
Boci shprehet se “Propaganda bajate kërkon të stimulojë imazhin e një Shqipërie fanar lumturie e së cilës po i “plas gëzimi dhe e mira nga sytë”.”
POSTIMI I BOCIT:
Nxënësit e mësuesit e shkollave të Tiranës urdhërohen të dalin të organizuar me kuadrate për ditën e verës së deformuar.
Disa nga mesazhet e ardhura nga mësuesit, po jua sjell në foto.
Propaganda bajate kërkon të stimulojë imazhin e një Shqipërie fanar lumturie e së cilës po i “plas gëzimi dhe e mira nga sytë”.
“Jetojmë e punojmë si në rrethim”;
“Rroftë Shqipëria e lumtur Rilindase”;
“Me partinë në ballë, përpara për fitore të reja”;
Këto do jenë disa nga parrullat që do shpalosen sot në ditën e verës.
Por ndërrimi grotesk i kalendarit të ditës së verës nga 14 Mars në 17 Mars nuk është i padëgjuar.
Ka ndodhur në Korenë e Veriut.
Korea e Veriut është në vitin 108, jo 2019, sepse vendi i shënon vitet sipas kalendarit Juche, i cili u prezantua në vitin 1997 dhe bazohet në datën e lindjes së Kim Il-sung: 15 prill 1912. Viti 1912 përdoret si Juche 1 dhe nuk ka Juche 0.
Tiranën sot do ta ketë zili vetë Pheniani!!!!
