Ervin Salianji nga radhët e Partisë Demokratike është paraqitur sot në Prokurorinë e Tiranës, pasi u mor si i pandehur, lidhur me çështjen e njohur ‘Babalja’.
Mbi të rëndon akuza e kallëzimit të rremë, ndërsa pasi doli nga prokuroria ai tha për gazetarët se ndaj tij nuk ka asnjë hetim dhe se u mor si i pandehur vetëm se bashkë me një gazetar denoncoi një trafikant droge.
Deklarata e Salianjit:
“Akuzohem se denoncova trafikantët e drogës. Unë akuzohem për agjitacion në bashkëpunim me gazetarin Jetmir Olldashi”.
Kanw vendosur që të nisw një procedim apo të më marrin si të pandehur për denoncimin e një trafikanti droge, i cili sot është në burg. mbi bazën e kallëzimit të trafikantit që sot nuk gjendet l, unë jam i proceduar. Dhe padiskutim që do ta vazhdojmë procesin dhe do të kem të tjera për të folur edhe kur të jemi në gjykatë apo pasi të njihemi me të gjithë aktet e dosjes, do t’ua bëjmë publike.
Nuk ka pasur një hetim, siç duhet të kishte në fakt, për drejtorin e Përgjithshëm të Policisë, për kryetarin e grupit të Partisë Socialiste dhe për ish-ministrin e Brendshëm të shkarkuar, pas nxjerrjes së këtij skandali. Kështu që e gjitha është si kronikë e kohëve të vjetra ku “TVSH”-ja e kohës së kaluar dilte dhe thoshte :“agjitatorët kanë arritur që në bashkëpunim me imperialistët kapitalistë dhe revizionistë idealistë kanë arritur të fusin në burg një prej elementëve më të vyer të Partisë Socialiste dhe të rilindjes”. Kështu që ky ishte diskutimi dhe vetë prokurorët që janë marrë me çështjen, kuptohet edhe nga halli që kanë prej vetingut apo dhe nga bashkëpunime të tjera në çështje të mëparshme me Partinë Socialiste, kanë arritur në këtë konkluzion, i cili padiskutim që unë kam bindjen e plotë që do të, i faktuar tanimë për publikun është, por do të rrëzohet në gjykatë. Kështu që kaq kishte për sot, besoj se sapo të njihemi me aktet e dosjes do të ketë njw komunikim tjetwr.
Pyetje: Z.Salianji sa persona janë të pandehur?
Ervin Salianji: Nuk kam marrë dijeni për personat e tjerë. Di që, në mënyrë të turpshme, nuk ka asnjë problem në rastin tim se unë agjitator del sikur jam. Por marrja e një gazetari si Jetmir Olldashi si të pandehur dhe vendosja nën akuzë për shkak se ka zbuluar një rrjet të trafikut, ka vazhduar dhe më tej me investigimin duke shkuar në dy fshatra të Vlorës dhe duke treguar me video dhe jo vetëm me audio trafikun e drogës që zhvillohej në Vlorë është jo vetëm e papranueshme por është tejkalim i çdo norme, parimi të shtetit të së drejtës. Kështu që në këtë kuptim është faull i rëndë i një shteti i cili tanimë ka marrë rrugën drejt rrëzimit, por që është autoritar. Pyetje: Z. Salianji a mund të na shpjegoni çfarë akuze kanë ngritur Prokuroria ndaj jush dhe në bashkëpunim me kë e keni kryer ju këtë? Ervin Salianji: Agjitacion në bashkëpunim me gazetarin Jetmir Olldashi. Pyetje: A i trembeni ju një masë sigurie ndaj jush? Ervin Salianji: Frika nuk hyn dhe nuk është një nga ndjesitë e mia, fare. Kështu që për më tepër kur kam me vetë edhe të drejtën. Pyetje: Në dosjen “Babale” cili është roli i SHISH dhe a ka emra të rinj nën hetim përveç juve që jeni përmendur edhe tek Krimet e Rënda?
Ervin Salianji: Besoj se do të kemi rast që ta zbardhim gjithë dosjen.
Rasti i Geron Xhafajt dhe Fatmir Xhafajt në lehtësimin e trafikut të drogës vëllait të vet është një çështje tanimë e ditur por ajo që është e paditur është edhe Shërbimi Sekret apo edhe institucione të tjera ligjzbatuese në këtë vend kanë qenë në ndjekje të tij për ta kapur. E kapi “Babalja” përpara pavarësisht situatës që është ai. Pyetje: Sipas rezultateve të SHISH flasin për përfshirje edhe të prokurorëve në këtë çështje?
Ervin Salianji: Sapo të kem dosjen e plotë do t’ua jap. Por edhe prokurorët, por edhe shërbimet sekrete, edhe shërbimet të tjera partnere kanë qenë në ndjekje për të kapur Geron Xhafën. E kemi kapur ne, ky është një shërbim i madh që i kemi bërë vendit. Faleminderit !
