Komisioni i Ligjeve në Parlamentin shqiptar ka votuar për protokollin e anëtarësimit të Maqedonisë së Veriut në Aleancën e Atlantikut të Veriut.
Me një konsensus të plotë, anëtarët e opozitës dhe të maxhorancës votuan pro protokollit. Kujtomë se firmosja e protokollove në vendet anëtare i hap rrugë shteti të Maqedonisë së Veriut për t’ju bashkuar kësaj aleancë si anëtarja e 30-të.
Ky miratim i hap rrugë Kuvendit të Republikës ditën e enjte, i cili pritet të votojë po ashtu unanimisht për një kapitull të ri të shtetit fqinj.
Në seancën e së enjtes pritet të jetë i pranishëm edhe kreu i Kuvendit të Maqedonisë, Talat Xhaferi në Parlamentin shqiptar.
