Bashkë me shpresat merr fund edhe ankthi për familjarët e Emiliano Sala.
Tashmë zyrtarisht është konfirmuar se futbollisti ka ndërruar jetë pas rrëzimit të avionit me të cilin po transferohej nga Nantes i Francës drejt Cardiffit në Uells të Britanisë së Madhe.
Trupi i gjetur në mbetjet e avionit në fund të detit, në ngushticën e La Manshit, i përket pikërisht atij.
Veç kolegëve të tij futbollistë, edhe klube nga e gjithë bota kanë dedikuar një mesazh ngushëllimi për argjentinasin.
“Shpirti yt do të shkëlqejë përgjithmonë tek imi”, është mesazhi më special dhe më prekës, dedikuar Salës nga e motra, Romina.
