Blushi thotë se me kë do të bëjë aleancë në zgjedhje

Deputeti Ben Blushi, në një komunikim me qytetarët përmes Facebook-ut, ka treguar se si do të bashkëpunojë LIBRA me partitë e tjera në zgjedhjet e qershorit 2017.
Duke iu përgjigjur pyetjes së një qytetari se me cilën forcë politike do të bëjë aleancë Libra, Ben Blushi tha se nuk ka ende një vendim për këtë gjë. Bashkëpunimi me këdo forcë politike do të vendoset nga anëtarësia e Libra.
“S’ka për të qenë kurrë vendim personal. Do jetë vendim i të gjithë anëtarësisë Libra. Do t’i ftojmë të gjithë për të marrë mendim se me kë do të bashkëpunojë Libra. Dhe ky është një premtim solemn. Nuk ka një parti të ngjashme me Libran për disa arsye”, u shpreh deputeti Ben Blushi.