Në emisioni “Me zemër të hapur”, prezent, nëpërmjet telefonit, ka qenë sot edhe Marsela Toshi, nëna e dy fëmijëve të vrarë nga bashkëshorti i saj, Naumi, në Korçë, disa ditë më parë.
Sipas Marselës, mësohet se ajo ka qenë ditën e masakrës në Koçë, disa orë para ngjarjes.
Marsela rrëfeu se kishte pasur “trashje zëri” me Naumin, sepse ai nuk e lejonte të merrte djemtë, në Greqi.
Marsela ka mohuar që të jetë ajo autorja e vrasjes, sikurse është aluduar nga të afërmit e bashkëshortit të saj.
Ajo ka rrëfyer edhe për gjendjen e rëndë ekonomike, sipas së cilës, u kthyen nga Greqia, familjarisht, me vetëm 20 euro.
Rrëfimi i Marsela Toshit
Nënës time i kërkova të shkoja në Itali, për të punuar.
Naumi më dhunonte vazhdimisht.
Si do i vrisja unë fëmijët e mi, unë bëja gjithçka për ata.
Lajmin e mora vesh nëpërmjet lajmeve në internet.
I jam lutur Naumit të më jepte leje të merrja fëmijët jashtë vendit.
Naumi nuk punonte.
Ditën e krimit erdha nga Greqia në orën 02.00 të mëngjesit dhe në drekë shkova për të takuar fëmijët. Në orën 05.00, pasdite, isha në doganë duke dalë nga Shqipëria.
Gjatë takimit atë ditë, me Naumin, “më ngriti zërin”.
Në Greqi, punoj natën, si kameriere.
Më thanë, që babi im nuk desh që të merrja pjesë në varrim, kështu më tha policia.
Ne s’kishim bukë të hanim, edhe ato pak lekë që nxirrnim, i bënte cigare.
Erdhëm nga Greqia vetëm me 20 euro. Hanim bukë te kunata.
DRONI.al
