Një natë më parë ish-Kryeministri Sali Berisha ishte i ftuar në emisionin Top Story të Sokol Ballës në Top Channel.
Pyetjet shpesh të pamëshirshme të Ballës janë përballuar shumë mirë nga Berisha ndonjëherë edhe me batuta. Më psohtë janë zgjedhur nga intervista dialogjet më pikante mes Berishës dhe ish zëdhënsit të PD në vitin 1994, Sokol Balla.
1.
Sokol Balla: Në këtë emision ka dhënë intervistën e tij të fundit si kryeministër dhe si kryetar i PD. Nga qershori i vitit 2013 kanë kaluar gati 3 vite e gjysëm dhe sot vazhdont ë jetë jo vetëm aktor po dhe vendimarrës në politikën shqiptare dhe pse në opozitë. Zoti Berisha faleminderit që jeni rikthyer në Top Story.
Sali Berisha: Faleminderit për ftesën. Unë nuk jam vendimarrës natyrisht.
Sokol Balla: Këtë në fakt ka shumë veta që e mendojnë ndryshe. Fakt është që ju jeni superaktiv. Biles po e nis pak me batutë emisionin. Sot ju ka shkuar dita nga Taulant Ball te Sokol Balla.
Sali Berisha: Ballë për ballë jeta ime, kështu është, s’kam çi bëj.
2.
Sokol Balla: Po i referohesha në fakt para pak ditësh, u nda nga jeta një kolegu jonë, Andrea Stefani i cili ka qënë një kundërshtar dhe një kritik i vendosur. Ju në fakt bëtë një përshkrim korekt të asaj që Andrea Stefani ka qënë, sidomos në 18 vitet e fundit pëballë jush. Po direkt pas saj pashë një numër të madh komentesh kundër tij. Ju folët me respekt për të pas vdekjes, duke e cilësuar për atë që kishte qënë për ju,. Po menjëherë pas reagimit tuaj e sulmuan të ndjerin pas vdekjes, ai epitafi i Gjergj Fishtës është i vërtetë, po misioni i politikanët është të bashkojë njerëzit,
Sali Berisha:Ngushëllimi im ishte i sinqertë. Në politikë në 26 vite kam konsideruar një armik të egër, dhe asnjë tjetër, dhe ky ka qënë Sllobodan Millosheviçi. Atë e konsideroja armikun më të egër timin, të kombit e me radhë. Nuk isha i sigurtë nëse të tjerët ndajnë këtë mendim për kundërshtarin apo jo. Pashë në 21 janar Edi Ramën që ushqente urrejtej dhe armiqësi të pakufishme, saqë dontë te vinite të mbante fjalim nga ballkoni i zyrës sime dhe kjo… ndjeva keqardhje që ka mbartës të një psikologjie armiqësore në kushtet e pluralizmit ku diversiteti është ligji më i artë i tij. Ndaj dhe unë atë që bëra për Andrea Stefanin e bëra me ndërgjegje të plotë se nuk ka qënë armik i imi. Pavarësisht nga të gjitha qëndrimet e tij, në publicistikën e tij ai kishte dhe qëndrime shumë të drejta, por nuk janë këto ato që më kanë shtyrë mua. Është fakti tjetër se unë armik e kam shumë të vështirë të konceptojë kundërshtarin
3.
Sokol Balla: Sot kur i riktheheni asaj ngjarje së paku nuk keni një farë reflektimi, nuk po them pendese, fakti që aty humbën katër jetë njerëzish në një moment, siç thoni ju përgjegjësia është e Edi Ramës?
Sali Berisha: Jo një herë, po 40 herë kam shprehur dhimbje dhe keqardhje për 4 jetë.Asnjë diskutim, 40 herë dhimbje të thellë. Por në mënyrë absolute insitucioni nuk dorëzohej kurrë nga Sali Berisha. Nuk isha unë, ishte bërë zgjidhje e gabuar nga Edi Rama. Ishte jashtë çdo lloj diskutimi që mua mund të më shkonte për të 100 e sekondës mendja të lëshoja zyrën time. Kurrë!
4.
Sokol Balla: Z, Berisha një ish badigardi juaj ju ka akuzuar se jeni minimalisht përgjegjës dhe i përfshirë në ngjarjen që sollën vrasjen e Azem Hajdarit. A keni një përgjigje definitive për këtë?
Sali Berisha: Ky është një vrasës i akuzuar nga Sali Berisha. I gjithë grupi është dënuar mbi bazën e dëshmisë së Sali Berishës. Janë arrestuar, ka një dëshmi të dorëzuar prokurorit ndërkombëtar dhe prokurorit të vendit, një njeri pa din e iman, i cili e dorëzoi menjëherë në media, pa besë pa ligj, sepse nuk ia dorëzova atij, ia dorëzova ambasadorit amerikan. Ambasadori ia dha prokurores norvegjeze një kopje, një kopje ia dha Arben Rakipit. Arben Rakipi e nxorri në treg, bëri gjtihçka për ta sabotuar, por prokurorja norvegjeze dhe faktori ndërkombëtar bëri gjithçka që vrasësit të marrin dënimin. Një nga pjesëmarrësit në vrasje ishte Izet Haxhia i denuar me 25 vjet burg dhe kete ka pohuar dhe vëllai i tij i cili mori 20 vjet burg dhe ka dalë nga burgu pasi ka bërë dënimin,se u tregua më burrë, ai qëndroi, ky ia mbathi. Pra, a mund të citohet një vrasës që ikën të cilit Edi rama nuk ia çon dosjen në Strasbrug pra shteti nuk mbrojti akuzen e faktuar per vrasje te tije.Pikërisht për të bërë këto deklarata që bën.
5.
Sokol Balla: z. Berisha meqë shkuam te Azemi. Minimalisht dy herë në vit ju i drejtoheni monumentit që ësdhtë pranë ish selisë së PD, i drejtoheni në dhjetor dhe çdo shtator…
Sali Berisha: Dhe menderisht natyrisht me dhjetëra herë.
Sokol Balla: Kur i ktheheni në këto dhjetëra herë a ka një moment reflektimi Sali Berisha lidhur me raportin e komplikuar që keni patur me Azem Hajdarin? Më kujtohet që në fillesat, janarin e vitit 1991, pastaj 1992 incidenti me Sotir Qirjaqin e famshëm, përjahstimi ngrirjet e tij, akuzat e famshme të RD-së që i drejtohej atij në fillim të vitit 97, raporti i vështirë kur iu bashkua sindikatave dhe protestave, rikthimi. Pra a ka një moment kur ju shkoni tek ai monument dy herë flas fizikisht, dhe mendërisht shpesh herë si thoni ju, a ka një moment ku ju i kërkoni ndjesë Azem Hajdarit për shumë gjëra që janë thënë
Sali Berisha: Në marrëdhëniet që kemi patur, pa diskutim, diskutimet janë njohur dhe janë bërë analiza, po të jesh i sigurtë ti që është ndarë nga jeta dhe nga Sali Berisha me ndjenjat më miqësore dhe njerëzore që mund të kishte kush…
6.
Sokol Balla: Me këtë qytetarin dixhital keni hapur shumë probleme.
Sali Berisha: Ai është qytetari më transparent i botës. Deri më sot ai është njishi.
Sokol Balla: Po, po qytetari dixhital në Amerikë thonë që ndikoi keq për zgjedhje.
Sali Berisha: Ai e meriton. Tani kur humbet gjithmonë ashtu thuhet. Problemi është këtu.
7.
Sokol Balla: Sipas jush çfarë thotë ky opinion (i Venecias) që duhet korrigjuar.
Sali Berisha: Sipas meje thotë këtë, që organi kushtetues ka të drejtë të kontrollojë çdo dokument, të kërkojë çdo dokument. Kaq themi ne. Ligji nuk thotë kështu. Ligji thotë bashkëpunon. Jo bashkëpunon, . Është tjetër bashkëpunimi është tjetër kontrollimi. Kjo është gjithçka.
Sokol Balla: Të jem i sinqertë z. Berisha unë nuk shikoj në asnjë nga 4 pyetjet, përjashto faktin kjo fjala që thotë që ligji futet shumë thellë,sepse dhe në shpjegimet që jep më sipër thotë që është normale që një gjykatës apo një prokuror, nuk duhet të ketë fare kontakte me botën e krimit.
Sali Berisha: Shiko çfarë thotë paragrafi 58. Nëse gjykata e konsideron se trupi rivlerësuar ka pushtetin, pra ia lënë gjykatës, ky është problemi.
Sokol Balla: Nuk ia lë gjykatës, ia lë dhomës dhekomisionit të pavarur.
Sali Berisha: Jo, gjykatës kushtetuese. Nga gjykata kushtetuese në ekzaminimin e ligjit të vettingut.
Sokol Balla: Ai thotë qoftë dhoma e Apelit, qoftë komisioni i pavarur kanë fuqi gjyqësore, pra janë trupa gjyqësore.
Sali Berisha: Dhoma e Apelit është gjyqësore, kjo nuk është gjyqësore,, është vlerësues. Po nëse gjykata thotë, e konsideron që ka fuqi të plotë, këtu është problemi, është thelbi i gjithë kësaj. Nëse gjykata e konsideron se trupi i rivlerësimit, i vettingut, ka fuqi të plotë për të mbajtur nën kontroll mbi institucionet e qeverisë atëherë jemi në rregull. Po nëse e gjykon ama, nëse e gjykon. Ky është thelbi.
8.
Sali Berisha: Kjo gjykatë kushtetuese ka dhënë gjatë periudhës së mandatit gjatë vitit 2008-2009 rreth 37 vendime kundër qeverisë time dhe e di çfarë ndodhi? Po të tregoj një gjë të bukur. Në famozin Krokodil, Strasburg ishte ora nja 3.00 e natës dhe Edi Rama që bënte sikur po vdes aty…
Sokol Balla: Aty kanë thënë që dhe ju keni derdhur lot…
Sali Berisha: Jo fare, kurrë. Aty ngrihet e u thotë atyre ja se ky nuk respekton Kushtetutat, se 37 herë Gjykata ka vendosur kundër tij. Pas gjysëm ore u thotë se ky e ka në kontroll gjykatën kushtetuese. E sheh Shultz, se ai përpiqej të jepte nga një krahë, dhe i thotë çfarë thua? E i thashë unë, e dëgjoni tani me kë keni të bëni? Ky para gjys ore më akuzoi se më ka rrëzuar 37 vendime, tani thotë e kontrolloj. Jo nuk është në kontroll Gjykata Kushtetuese.
9.
Sokol Balla: Nuk pati asnjë ankesë dhe nga palët politike.
Sali Berisha: Përsëri besoj që shorti ka qënë i paanshëm. Pse mendoj unë të ndërrohet sistemi. Sistemi fillimisht nuk ishte ky që është, këtë sistem e vendosëm me kushtetuën e re. Çfarë ishte sistemi i Kushtetutës së re? E gjithë fuqia ekzekutive mbi drejtësinë Presidenti i Republikës. Presidenti se ka dekretin. Tani e bëri Rexhep Mejdani për hir të së vërtetës, me majtizëm po pa korrupsion. U nda me atë mandat, nuk kam dëgjuar një se pati korrupsion. Erdhi Moisiu, fillimisht objektiv. Nga fundi thuhet se nipi u përzie dendësisht. Thuhet, ju gazetarët i dini më mirë. Njeriu që e shkatërroi drejtësinë është Bamir Topi. Dhe nuk e them kurrë pse ai është në atë pozicion, por atë që i bëri Bamir Topi, drejtësia… më thoshin gjykatësit mua që nuk keni për tu bërë më. Mënyra më e paimagjinueshme e taksimit, e rrjepjes, e sekserit, dhe iku drejtësia. Gjykatës të ndershëm, më thoshin me këtë mënyrë si po procedohet sot ne nuk kthehemi më në trupin gjykues. Ja është Bujar Nishani. Nëse ke dëgjuar për një njeri të vetëm, kurrë nuk kam dëgjuar dhe jam i bindur që nuk do dëgjoj. Por Bujar Nishani është me një ose dy mandate. Vjen një Bamir tjetër që i bën gjëmën, ndaj dhe unë kam qënë me bindjen më të thellë mbështetës i ndërrimit të këtij sistemi.
Sokol Balla: z. Berisha ju akuzuat Bamir Topin dhe nuk e bëni për herë të parë.
Sali Berisha: E bëj me keqardhje. E bëj me keqardhje dhe dhimbje. Ju mund ta verifikoni nëse gjeni njeri që thotë të kundërtën.
10.
Sokol Balla: Me thënë të drejtën zoti Berisha raportet me drejtësinë sa herë i keni patur…
Sali Berisha: Të shkëlqyera.
Sokol Balla: …me kë, me Dhori Sollakun, apo me Ina Ramën? Meqë përmendët Bamir Topin nuk e di nëse kjo ishte pjesë e paktit që ai të bëhej president, por di që gjëja e parë që ka bërë Bamir Topi si president, ishte miratimi i raportit të komisionit të dytë hetimor për Dhori Sollakun. I pari u rrëzua nga presidenti Moisiu, gjëja e parë që ka bërë Bamir Topi si president ishte që u shkarkua zoti Sollaku. Sollët një zonjë që e lavdëruat e thatë kjo do jetë Silvia Konti.
Sali Berisha: E bëri Bamir Topi. I besova Bamir Topit. Më mashtroi. Jemi këtu, çfarë prokurori doli Dhori Sollaku më thuaj? Kë penalizoi? Cilin penalizoi Ina Rama? Me cilin e penguam ne?
Sokol Balla: Ju e dini shumë mirë që u bllokuan dy procese. Qoftë ai për Durrës- Kukës, qoftë ai për Gërdecin u bllokuan në gjykatë.
Sali Berisha: Kush i bllokoi në Gjykatë?
Sokol Balla: Gjykata. Janë shkelur afatet tha.
Sali Berisha: Nëse ajo shkelte afatet procedurën nuk ia diktoj unë. Di që për njërin gjykata e lartë e quajti antikushtetues qëndrimin e saj dhe është gjë shumë e rëndë. Për tjetrin përsëri kush e pengoi atë?
Sokol Balla: Ju Gërdecin e quajtët krim shtetëror.
Sali Berisha: Ta them unë. Krim shtetëror për ata që duhet të lexojnë, janë dy lloje. Krime të qëllimshme, kur shteti vret me qëllim, dhe është shtet kriminel, diktaturë. Dhe krime të paqëllimshme, kur ndodhin në lidhje me shtetin, po pa qëllim. Tani ku është lidhja e shtetit me Gërdecin. Kompania private mbikqyrej për çështje sigurie nga kompania shtetërore. Unë nuk mund ta mohoj këtë. Ishte MEICO përgjegjëse për sigurinë. Se ai mund të ishte një aventurier, dhe kontrata ia kishte besuar MEICO. Në këtë kontekst absolutisht unë pasi kisha bërë të gjitha ato veprimet kisha ndërmend ta trajtoja si viktima shtetërore, për faktin se MEICO nuk iu përgjigj. Ata që vriten duke çmontuar, shtetëror është ajo pa qëllim. Shteti duhet të zhdëmtojë në mënyrë të plotë. Jo dosido.
Sokol Balla: Në këtë pyetje të fundit të pjesës së parë, ju thoni që nuk keni ushtruar presion mbi drejtësinë.
Sali Berisha: Kurrë.
Sokol Balla: Nuk është presion mbi drejtësinë ta quash atë që sollët si Silvia Konti dhe e përfunduat si lavire bulevardi?
Sali Berisha: Puçiste, e përfundoi vetë ajo atë. Ajo mori pjesë në puç bashkë me Bamirin, me Bahri Shaqirin i cili nuk dinte asgjë se çpo ndodhte mbi tokë, shefi i shërbimeve. Ishin puçistë ata të cilët kishin marrë garanci nga Edi Rama se do u bëheshin mandatet e dyta. Kaq donin ata. Këtë nuk e kam thënë unë, po deklarata e OSBE që thoshte se kemi tendenca për marrjen e pushtetit. Kaq ishte puna.
11.
Sokol Balla: Ju ku e fusni veten (
ne komunizëm)?
Sali Berisha: Në konformizëm, e kam thënë unë me kohë.
Sokol Balla: Konformizëm dakord, po nuk ju kërkoi njeri që të ishit shumë i afërt me familjarët e njerëzve të bllokut.
Sali Berisha: Ajo ka një koincidencë pasi shokët e mi me të cilët punoja në klinikë kishin miqësi me ta dhe unë jam njohur nëpërmjet tyre. E dyta, kam punuar mjek në klinikë speciale, po gjithnjë duke marrë rrogën në spital. Konformizmi nuk është ajo, as ajo tjetra. Konformizmi është mosguximi të thuash atë që mendon sepse unë po të kisha qënë i indoktrinuar do të thosha kam qënë i mashtruar. Jo nuk kam qënë i indoktrinuar, po i konformuar. Të gjithë shokët e mi kanë qënë të konformuar. Një pjesë e mirë e inteligjencës ishte e konformuar. Konformizmi i inteligjencëës është një shtyllë jashtëzakonisht mbështetëse e diktaturës. Se njeriu i thjeshtë, punëtor, me pak shkollë, thotë kur nuk flet ky ca pune kam unë të flas. Gjatë diktaturës unë kisha një ngushëllim. Gjermanolindorët, dhe ngushëlloja veten, derisa ata nuk ngrihen ku të ngrihemi ne.
Sokol Balla: Pra, ju thoni që keni qënë konformist. Pra në një farë mënyrë po i tërhiqni deklaratat se dikur keni deklaruar që u bëtë anëtar i Partisë Komuniste në ’68…
Sali Berisha: Po, e mendova se do sulmohej Shqipëria. Është tjetër ajo. Nuk ishte gjë krejtësisht pa baza, pasi ai pushtoi Çekinë dhe kur pushtoi Çekinë e di çfarë reagimi bëri perëndimi? Qesharak.
Sokol Balla: Ishte një gjest patriot anëtarësimi në Partinë e Punës?
Sali Berisha: Absolutisht. Strikt patriot. Sepse në të vërtetë u fol shumë se tani radhën e ka Shqipëria. Natuyrisht një pushtim të huaj nuk mund kurrë të pajtohesha.
Sokol Balla: Ju thatë që konformizmi intelektual është një shtyllë kryesor mbështetëse e diktaturës. Kam një deklaratë nga drejtuesi i fundit i komunizmit në Shqipëri. Ta ndjekim pak. …. ishte Ramiz Alia që tregon momentin e kontaktit me ju dhe faktin që ju ka dërguar sipas tij për të qetësuar studentët. Ma shpjegoni dot si ndodhi kapërcimi nga konformizmi intelektual tek të qënit tribunë e demokracisë?
Sali Berisha: Së pari, gjatë vitit ’90 unë në një seri shkrimesh dhe qëndrimesh në gazetën Drita, Bashkimi, Zeri i Popullit dhe takim me Ramiz Alinë kisha paraqitur një platformë të tërë që fillonte me lirinë e vendimit, daljen nga izolimi, luftën kundër censurës, autocensurës, vazhdonte me pluralizmin, kërkesën për heqjen e nenit të Kushtetutës që bënte Partinë e Punës forcë hegjemone dhe kjo ishte kërkesa më radikale për pluralizëm, sepse edhe atëherë dhe sot ka njerëz që nuk kuptojnë që pluralizmi është burokratik dhe politik, se pluralizmi burokratik ekzistonte në atë kohë në Jugosllavi, po e vinte Ramiz Alia me çdo kusht, kishte marrë modelin jugosllav.pra, isha shumë i qartë se çfarë është pluralizmi demokratik dhe burokratik, ndaj dhe unë i kërkoja atij të hiqet neni nga Kushtetuta që i jep Partisë së Punës rolin hegjemon. E vërteta është që atëherë dhe më vonë pati nga ata që nuk e kuptuan se çfarë ishte kjo kërkesë. Ai e kuptoi shumë qartë. Unë e kuptoj se çdo të thotë kjo. Nëse me atë nen mund të krijojë 30 parti dhe ato mbeteshin si shoqata qeveritare të ministrisë së Drejtësisë. Pra kisha paraqitur një platformë, kisha marrë një vendimi shumë kohë përpara kësaj. Me diktaturën nuk bëhej shaka, as nuk luhej. Nëse vendosje për ti dalë anash, duhet të vendosje të prisje çdo gjë. Dhe unë aboslutisht kisha vendosur çdo gjë për te berë atë që nuk kisha bërë, për të dalë nga konformizmi im.
Sokol Balla: Po pse për të dalë nga konformizmi juaj intelektual u desh Ramiz Alia, pse nuk iu bashkuat lëvizjes së dhjetorit?
Sali Berisha: Një minutë. Ka një gjë këtu të pavërtetë. Ai ishte shumë i saktë në atë. Unë kisha qënë në mëngjes te studentët. Unë iu bashkova dhe për këtë jam i pari bashkë me Kujtim Çashkun dhe Besnik Mustafën që ne sapo morëm vesh u nisëm dhe dolëm në ballë të demonstratës së studentëve, ku për hir të së vërtetës nuk ishim vetëm po dhe 20-30 qytetarë të tjerë që po rrinin në gjest solidariteti me studentët. Studentët u rrahën. Kështu që nuk me çoi Ramiz Alia te studentët, shkova vetë. Pasi u rrahën studentët, u shpërndanë, u rrahën shumë keq. Ajo që më impresionoi më shumë ishte kjo. Studentët ishin rrahur në darkë, unë nuk kisha marrë vesh, se atëherë isha kthyer nga Italia, por që guxuan të dilnin prapë në mëngjes ajo ishte për mua lajmi më i jashtëzakonshëm dhe i shihja aty me një admirim të pakufishëm, më dukeshin superherojn. I them Besnikut, do vemë të shohim se mos ka të plagosur. U takuam dhe aty filluam bisedën. Studentët më kishin kërkuar, unë nuk e dija që më kishin kërkuar. Ata në fakt më thanë që kishin kërkuar disa intelektualë, ne të kemi kërkuar ty. Unë i thashë nuk di gjë, unë erdha vetë. Tani cila ishte biseda me ta? Qëndrimi im ishte vetëm një. Më thonë studentët a do na udhëheqësh? Jo i them unë. Kam pikëpamjet e mia, por ju mbështes ju për pluralizimin politik. Studentët e kishin pluralizmin po kishin një organizatë rinie. Çfarë ishin studentët? Dhe ata ishin shtresë e privilegjuar. Çfarë ishte ajo lëvizje? Ajo lëvizje ishte e bijve. Kundër kujt? Kundër etërve.
Sokol Balla: Lëvizja studentore?!
Sali Berisha: Po, po. Shoqërinë duhet ta marrim siç ishte. Në universitet, në 200 studentë, një mund të ishte i persekutuar, ishin të gjithë, dhe unë që kisha studiuar dhe e kisha patur familjen time mbështetëse të lëvizjes nacionalçlirimtare, nuk shkoja në universitet përndryshe. Duhet të shkoje me mësime shumë mirë dhe duhet të kishe një bekgraund të shëndoshë politik që të arrije në universitet.
Sokol Balla: Është hera e parë që ju dëgjoj, në shumë intervista që keni dhënë, që sulmoni në mënyrë frontale të gjithë shoqërinë shqiptare para ’90.
Sali Berisha: Jo, unë nuk sulmoj shoqërinë. Unë besoj që ata që më dëgjojnë më japin shumë të drejtë, sepse më fal, marrim shembullin tjetër. A kishte gjë më të tmerrshme se sa 4-5 mijë vetë u futën në ambasada me një heroizëm të jashtëzakonshëm, kurse ne të tjerët nuk bëmë dot protestën. Ai ishte momenti që mund të përmbysej regjimi. Dhe ne në vend se të shfrytëzonim atë moment, të dilnim në shesh dhe ti jepnim fund diktaturës, i dhamë mundësi Ramizë Alisë, i mori dhe me OKB dhe karvan ushtarak i përcolli jashtë. Ata bënë detyrën, ne nuk e bëmë detyrën. Historinë duhet ta shohim siç ishte, jo siç na pëlqen.
Më thanë ne ju kemi kërkuar, jo i them kam ardhe vet se unë ju mbështes po ju them Azem cilat janë kërkesat.Ju them pluralizëm politik, dhe po ashtu po diskutojmë me të. E mori Besniku dhe po e sqaronte pasi jam ndarë me ta më thonë dy kërkesa kemi për ty. E para, shokët në spital e dyta në burgje. I them për në burgje nuk ju ndihmoj dot se nuk kisha njohuri. Për në spital mos kini merak se absolutisht kujdesi më maksimal. I them Besnikut, e më thotë ku do shkojmë? I them në Komitetin e Partisë. Më thotë çfarë do bëjmë aty? Aty do kërkojmë lirimin e studentëve. Më thonë këta u thuaj që nëse nuk i lirojnë deri në orën 03.00 ne do të zbresim që të gjithë në sheshin Skënderbej dhe do thyejmë çdo gjë, do bëjmë një demonstratë të fuqishme. Dhe unë ua thashë. Si përfundim, për hir të së vërtetës filloi lirimi i tyre. Tani bëhet një mbledhje ku ishte dhe Robert Koli.Roberti qe vetë kur i rrahën studentët. Në analizën time dhe ai u mërzit për atë rrahje që u bë. U bë një rrahje suhmë e keqe. Dhe unë bërtita aty, u thashë që do denoncoj para gjithë botës se kjo është një kafshëri. Këta nuk po bënin asgjë.
Sokol Balla: Po në fakt ajo që bëtë zoti Berisha është që shkuat përballë studentëve, ndoshta jo atë natë, një natë më vonë. Dhe lavdëruar Ramizë Alinë?
Sali Berisha: Unë i kam gjërat e kthjellta. Pas Komitetit të Partisë ata fusin atje ushtrinë, fusin këto, u them që çoni vendin në luftë civile, e vetmja rrugë është që të plotësoni kërkesat. Kaq kisha unë me ta. Xhelili i thotë Ramizit dhe Ramizi kërkon dhe thotë po do shkojmë. Thotë Besniku ku? Atje i them unë dhe me kënaqësi e them se natyrisht tani pasi më kishte agresuar në mënyrë të padenjë në takimin me intelektualët, tani ai po më kërkonte mua dhe unë po i shkoja tani.
Sokol Balla: Tani ishte radha ta përdornit ju Ramizin?
Sali Berisha: Sa të mundesha. Në çkuptim? Derisa më thirri tregoi dobësi, jo forcë.
Sokol Balla: Ai kërkoi ndihmë, patjetër.
Sali Berisha: Pa diskutim që më thirri. Ky i kishte rrah pasi i kishte takuar një natë përpara. Ua kishte nxjerrë policinë pas takimit dhe i kishte zhdëp në dru. Njeri në botë lajmësin nuk e rrah përveç teje. Shumë e vërteët i thashë, as me kanun e as me ligj lajmësi nuk preket. Dërgata nuk preket më fal. Ata thotë ia morën revolen një oficeri. Po pse i them unë me një revole do bëjnë revolucion ata? Si përfundim biseda qe e shkurtër e më thotë, shiko unë jam gati ti pres. Kur të duan. Dhe i them, ti presësh po kërkesat e tyre duhet të merren parasysh. Le të vijnë thotë, po të shkojnë në mësim. Tani këtu është një moment. Unë nisem me Besnikun ai kishte bërë pëllëmbë e ushtarë. E kishte rrethuar Qytetin Studenti në mënyrë të pabesueshme. Më tha që ka dhënë urdhër të lirohen të gjithë studentët, studentët ndërkohë po përgatiteshin të zbrisnin në shesh. I them Azem kjo nuk mund të ndodhë, se dhe më autorizuar që të shkoj e tani po zbrisni. Halli im më i madh ishte se ata do i bënin fërtele. Ishin përgatitur. Ne u thamë këtë, ata bëheshin më agresiv. Tani i them do i qëndrosh fjalës. Dhe i qëndroi plotësisht. Përsëri ajo që u bë, pluralizmi politik, përsëri në darkë që ta dish Sokol e që ta dinë të gjithë, ata kanë pasur një diskutim shumë të madh. Dhe ka pasur prej tyre që kanë shkruar, e kanë bërë mirë që kanë shkruar sepse dilnin kundër etërve. Azemi me dy të tjerë e kanë mbrojtur deri në fund pluralizmin politik. E kanë shprehur listën e kërkesave më datën 10 në sheshin Skënderbej, e vërteta është se më datën 10 në orën 10.00, ndodhi çdo gjë. Kjo është vepër e studentëve dhe ata këto kërkesa i mbrojtën, i realizuan. Kështu që Ramiz Alia për ta mbyllur problemin e tij. Çfarë ishte? E ka përshkruar shumë bukur një amerikan i famshëm, i cili në një analizë të tij e përshkruan “to little, to late”.
12.
Sokol Balla: Pra po thoni që nëse Edi Rama humbet zgjedhjet, duhet të iki?
Sali Berisha: Po patjetër. PS nuk i shqitet po është i pashpresë. Se në fund të fundit po më pyetët mua çfarë është kjo lëvizje. Kjo lëvizje është goditja e fundit e të majtës botërore. E majta botërore shkon drejt shpërbërjes përfundimtare.
Sokol Balla: Z. Berisha mendoni që z. Basha duhet ti jepet një shans tjetër nëse humbet zgjedhjet e ardhshme?
Sali Berisha: z. Basha ka vendosur një normë që për hir të së vërtetës se ka patur asnjë para tij. Garën dy vjeçare të zgjedhjet së kryetarit, e mori nga gjermanët mos gaboj, po është gara më demokratike. Z. Basha i fitoi zgjedhjet, do i fitojë, kur në të ardhmen prapë do ketë zgjedhje, pra ka vendosur mekanizëm dy vjeçar zgjedhjesh që gjykoj unë është shumë i drejtë. Fatin e Bashës tani nuk e përcakton më Basha po anëtarësia me këtë mekanizëm.
