Kryeministri Edi Rama tregoi pjesë të aktiviteteve të ditës në spotin e realizuar për emisionin Xing me Ermalin, nga ku shfaqej herë në dush, e herë në krevat dhe me pamje nga shtëpia e tij.
Disa kritikëve nuk u shpëtoi as oxhaku me rreze lazer ku shfaqej kryeministri me punët e tij krijuese. Sipas mediave të cilat shkruanin për oxhakun, çmimi i tij ishte marramëndës dhe shumë më tepër për një nivel të ardhurash mesatare shqiptare. Shumë e cilësonin si një luks të tepruar, ndërsa kryeministrit mesa duket i ka rënë në vesh gjithë këto kërkime të mediave.
Ai ka reaguar menjëherë, duke sulmuar mediat teksa i quan’ kazani i plehrave’. Sipas tij, ai nuk është në shtëpinë e tij, por të mikut të tij qeramist.
