Është mbledhur Asambleja Kombëtare e Partisë Socialiste, nga ku fjalën e ka marrë kryeministri Edi Rama.
Kryeministri nuk duket të jetë i qetë, ku reflektohet se situatat e fundit i kanë sjellë irritim dhe nervozizëm.
Kryeministri që në fillim u ndal tek protesta e studentëve, ku sërish pranoi se është goditja më e madhe që i është dhënë qeverisë.
” Një mundësi e mirëseardhur në formën e një reagimi shumë kuptimplotë, në emër të një jete më të mirë universitare dhe në emër të besimit tek unë, tek ne. Përtej kushteve, indiferencës ndaj politikës, edhe kur çirreshin para fytyrës sime turp-turp, ata shihnin dhe shohin në drejtimin tonë sepse jemi për ta mundësia e vetme për ta. Ata na dhanë një shuplakë që mua më përvëlon si ditën e parë dhe unë zgjodha të kthej faqen tjetër”, tha Rama.
Rama ngriti tonin kur foli për Partinë Socialiste dhe mënyrën sesi duhet të organizohet. Edhe pse në shumicën e argumentave të tij, u përpoq të shfajësohej duke ia hedhur fajin ‘mungesës së opozitës’, siç e quan ai, Rama sërish adresoi thirrje për anëtarët e PS që të lënë kartat, nëse nuk ndryshojnë disa gjëra.
”Qeveria nuk janë minsitrat por të gjithë ata që na përfaqësojnë në territori. Harroni kunata,teze, daja që do të futen në punë. PS nuk mund të shkojë në opozitë për shkak të tezeva kunatave.
Harrojeni ose bëni një gjë të thjeshtë ikni nga PS dhe pastaj do meremi tju rregullojmë në punë të gjithë familjen. Kush nuk është dakord me këtë të shkojë të bëjë parti tejtër. Për këtë ia vlen të lihet dhe pushteti” tha Rama.
Kryeministri ka premtuar disa ndryshime të reja.
“Për pak hymë në vitin e ri ku 16 mijë vetë do të paguajë 300 mijë lekë taksa më pak në vit. 11 mijë biznese do paguajnë 3 herë më pak tatim fitimi nga 1 janari. Leku s’ka qenë më i fortë se sot asnjëherë më parë në këto 5 vite. Nga 1 janari nuk ka më taksë për inputet bujqësore,” tha Rama.
https://www.facebook.com/edirama.al/videos/428673281005005/?notif_id=1545821246675408¬if_t=live_video
DRONI.al
