Kreu i Demokristianëve Nard Ndoka ka ironizuar gjithë skenën e djeshme që kryeministri Edi Rama krijoi.
Kryeministri Edi Rama ktheu shkresën ndaj presidentit Ilir Meta, pasi ky i fundit publikoi letrën me 14 pyetjet që i kishte dërguar Ministrisë së Mbrojtjes ku kërkonte informacion për Sandër Lleshin.
Në një postim në ‘Facebook’, Ndoka bën paralelizëm mes kësaj ngjarjeje dhe bisedës së tij me një gazetare e cila e kishte telefonuar për t’i bërë sipas tij dy pyetje shteruese.
Postimi i plotë
“Më mori një gazetare sot në telefon: “Zoti Ndoka, kam dy pyetje shteruese për ju”?
– Pse dy, i thashë.
– Po sa?
– Katërmbëdhjetë, se dy shterojnë shpejt!
Të marr më vonë, më tha, dhe mbylli telefonin”,
