Ditën e sotme parashikohej të mbahej seanca gjyqësore e radhës e Arkimed Lushaj, ku do të ankimohej masa e sigurisë ‘arrest me burg’ në gjykatën e Apelit.
Mësohet se Stresi ka kërkuar nëpërmjet avokati të tij që mos të zhvillohej gjyqi, duke u shprehur se nuk kishte besim tek drejtësia shqiptare.
“Dua te rri ne burg, pasi nuk kam besim te drejtësia”, kështu mësohet të jetë shprehur përmes avokatit të tij Stresi.
Kujtojmë se Stresi u arrestua dy javë më parë dhe aktualisht ndodhet në burg nën akuzën armëmbajtjes pa lejë dhe përdorimit të lëndëve narkotike.
Stresi akuzohet për trafik droge dhe dyshohet se është pjesë e një grupi kriminal. Ai u arrestua ndërsa ishte në një dhomë hoteli në periferi të Tiranës në shoqërinë e një vajze.
