Komisioni Qendror i Zgjedhjeve do të mblidhet nesër për të shqyrtuar kërkesën e prokurorisë për t’u hequr mandatet deputetëve Shkëlqim Selami dhe Dashamir Tahiri dhe kryetarit të Bashkisë së Kavajës, Elvis Roshi, të cilët preken nga ligji për dekriminalizimin. Sipas prokurorisë dy deputetët dhe kryebashkiaku kanë fshehur rekorde kriminale në formularin e vetëdeklarimit.
Njoftimi i KQZ
Komisioni Qendror i Zgjedhjeve, ditën e martë, më datë 27. 12. 2016, ora 11:00, zhvillon mbledhjen me këtë rend dite:
Projekt-vendim:
“Për shqyrtimin e rezultatit të verifikimit të Prokurorisë së Përgjithshme, për funksionarin publik Z.
Elvis Rroshi, kryetar i Bashkisë Kavajë, në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
Projekt-vendim:
“Për shqyrtimin e rezultatit të verifikimit të Prokurorisë së Përgjithshme, për funksionarin publik Z.
Shkëlqim Selami, Deputet i Kuvendit të Shqipërisë në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
Projekt-vendim:
“Për shqyrtimin e rezultatit të verifikimit të Prokurorisë së Përgjithshme, për funksionarin publik Z.
Dashamir Tahiri, Deputet i Kuvendit të Shqipërisë në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
