Dy vëllezër janë vënë në pranga në Durrës, pasi në gjendje të dehur kanë shkuar në spital, por aty kanë goditur dhe shkatërruar edhe ambientet e spitalit, e më pas kanë goditur edhe punonjësit e policisë të cilët kishin shkuar të qetësonin situatën.
Burime nga Policia e Durrësit kanë bërë të ditur se në pranga janë vendosur, Florenc Çalamani 31 vjeç, banues në Durrës dhe Dajlan Çalamani 25 vjeç, banues në Durrës.
Arrestimi i tyre është bërë sepse një ditë më parë rreth orës 17:45, në gjendje të dehur, kanë prishur rendin dhe qetësinë në ambientet e Spitalit Rajonal Durrës.
Me të marrë njoftimin menjëherë në vendngjarje kanë shkuar Efektivet e Policisë, me qëllim qetësimin e situatës. Shtetasit e mësipërm nuk i janë bindur uniformave blu dhe në vijim janë shoqëruar në ambientet e Komisariatit të Policisë.
Pasi janë shoqëruar, dy vëllezërit kanë kundërshtuar dhe goditur për shkak të detyrës punonjësit e policisë.
Dosja i ka kaluar kaluan Prokurorisë së Durrësit për hetime të tjera për akuzat e “Kundërshtimi i punonjësit të policisë së rendit publik në bashkëpunim” dhe “Goditjet për shkak të detyrës”.
