Prej tre ditësh ambasadori grek ne Brazil, Kyriakos Amiridis u gjet st i vrarë dhe i djegur në një lagje të pasigurtë në Rio De Zhaniero. Ambasadori rezultonte i zhdukur prej tri ditësh derisa policia e qytetit gjeti nje trup te pajete, qe dyshohet te jete i tij. Trupi është gjetur brenda nje automjeti te bardhe te djegur. Targa e tij përputhej me ate te makinës, qe ishte marre me qera nga ambasadori.
59-vjecari ishte zhdukur teksa udhëtonte nga Brazilia drejt Rio de Zhaneiro per te festuar ndërrimin e viteve ne plazhin e famshëm Copacabana. Automjeti është gjetur ne zonën Nova Iguacu ne periferi te Rios.
Per here te fundit ai kishte kontaktuar me bashkëshorten nga nje apartament, ndërkohë që edhe një punonjës i ambasadës kishte kontaktuar me telefonin e tij pa qenë i sigurtë se ishte vetë ambasadori.
Autoritetet vendore thane se gjurmët e Amiridit humben pas vizitës se tij ne nje lagje te varfër qe qytetit brazilian, por nuk dhanë informacione te tjera. Deri tani nuk është kërkuar shpërblim dhe per momentin pista e rrëmbimit është rrezuar. Zv/ministri i Jashtëm grek, Janis Amanatidhis sqaroi se ambasadori ishte me leje per festa. Autoritetet greke u kane kërkuar atyre braziliane te zbardhin ngjarjen sa me shpejt.
Sipas burimeve te gazetës Kathimerini, ne ditët ne vijim do te shkojnë ne Brazil dhe përfaqësues te Policisë Greke.
