Kryetari i Lëvizjes Socialiste për Integrim, Ilir Meta, ia ka marrë valles si rrallë më parë në qytetine Korcës. Ai ishte në këtë qyette sëbashku me ministren Klajda Gjosha për të festat e fundvitit.
Në fotot që ka shpërndarë zyra e shtypit ai duket mjaft i lumtur, edhe pse është në një qytet ku partia e tij ka një numër të vogël ndjekësish.
Z. Meta shoqërohej në këtë ceremoni festive edhe nga Sekretari i Përgjithshëm i LSI-së, z. Endrit Braimllari dhe deputeti i Lëvizjes Socialiste për Integrim, z. Pirro Kapurani.
Në një prononcim për median, Kryetari i LSI-së uroi të gjithë shqiptarët me rastin e festave të fundvitit dhe veçanërisht të rinjtë e të rejat e Korçës për një vit sa më të mbarë dhe të gëzuar.
Ai nuk kishte harruar edhe vjershën për Korcën “Lumja ti moj Korcë o lule”.
“Ishte e pamundur për të mbyllur festat e këtij fundviti nga Krishtlindjet te Viti i Ri pa ardhur në Korçë. Është vërtetë shumë e vështirë t’i kuptosh, t’i përjetosh këto festa pa qenë në Korçë. Ndaj me dashurinë më të madhe për Korçën dhe për korçarët, le t’i referohemi asaj që ka mbetur emblematike për Korçën dhe për korçarët, jo vetëm për të kaluarën, por edhe për të ardhmen: ‘Lumja ti moj Korçë lule, që le pas shoqet e tua, si trimi në ballë u sule, ta paçim përjetë hua’. Me këtë rast u uroj të gjithë të rinjve dhe të rejave të Korçës të mrekullueshëm, të mençur, të ditur dhe plot ëndrra për të ardhmen, një vit të ri të gëzuar dhe të gjithë shqiptarëve kudo ku janë”, – tha z. Ilir Meta në prononcimin e tij për median.
